Dizionari de Lenghe Furlane

lât¹  lât  [FO]

1. p.pass., adi. viôt lâ
   Var. zût
2. adi. che al à finît di vivi, muart:  al jere il mês di Fevrâr, juste sul colm de scuele e dal cuinçâ lis vîts, e doi dîs di fieste [pal funerâl] ai Asquins ur brusavin; ma cul vieli lât in chel no podevin fâ indiferent (Alviero Negro, Cjase Asquine); o ai tante pôre che il rosâr dongje il puarton al sedi lât (Maria Forte, Cjase di Dalban)
   Sin. muart² , spedît
   
   1. di alc, che al è finît, pierdût, sparît e v.i.:  par paiâ i avocats a vevin scugnût vendi la campagne e meti une ipoteche su la cjase. Po dopo no vevin vût cun ce paiâle, e ancje la cjase e jere lade (Carlo Sgorlon, Prime di sere)
      Sin. finît , pierdût
   2. che al è rot, ruvinât, che nol funzione plui:  "Ah, la machine! Si à fermade, boh! Cui sa ce dal caz, ma, boh, miarde: e je lade e vonde!" "Mmmhhh, speta che i dai una voglada!" (Stiefin Morat, Donald dal Tiliment)
      Sin. rot
   3. di alc, che nol è plui bon, che al è fraidessût
      Sin. lât di mâl , frait , patoc , vuast¹ , laît
   4. di cdn., che al è une vore malmetût cu la salût o cul cjâf, cul resonament, cui bêçs e v.i.:  "[…] Tu sês propit frait patoc lât brusât sacodât sdrondenât che tu âs il çurviel…" (Stiefin Morat, Donald dal Tiliment)
      Sin. distrut , finît , muart² , ruvinât , spaçât , spedît , partît³ , fûr , disfat

Proverbis:

• miôr un lât che no cuatri mandâts