partît3
par|tît
[FO]
-
s.m.
associazion di citadins cuntune stesse ideologjie o program politic, cul fin di davuelzi une stesse ativitât politiche e sociâl:
i dirigjents dai partîts a fasin i conts dì par dì, cun altris berdeis, e a pensin prin di dut aes cjadreutis dal Comun o ai cjadreons dal Parlament (Josef Marchet, Rapresentants dal popul);
o vevin dute la intenzion e la energjie par rinovâ il partît [il Moviment Friûl] su la linie dai partîts autonomiscj dal Süd Tirol e de Val di Aoste (Adrian Cescje, Memoriis di politiche linguistiche)
-
s.m.
decision cjapade e pandude:
cjapâ partît a pro o cuintri potencis militârs menaçosis (Adrian Cescje, Viaç aes origjins dal Logos)
Sin. posizion
, risoluzion
, sielte
, decision
-
s.m.
persone che si stime buine di maridâ:
al veve studiade avocature a Graz e, ai siei timps al jere stât un partît une vore golôs, ma lui al jere restât vedran (Alan Brusini, Come tai romançs);
e leve a contâ a ducj che sô fie e veve za un partidon come che e mertave, si tratave nuie mancul che dal fi dal sindic dal paîs (Pieri Menis, Sul agâr)