pierdût
pier|dût
[FO]
-
p.pass., adi.
viôt pierdi
, viôt pierdisi
Var. pirdût
-
adi.
(ancje fig.)
che no si cjate plui, che nol sa ben dulà che al è o che si sint fûr di puest:
jo e i miei amîs o sin come pierdûts intes alis dal Agra (Checo Tam, La maree nere)
-
adi.
che no si sa dulà che al è, che no si rive a cjatâlu:
l’om al partî soldât in Russie. […] A jerin passâts agnorums prin di dâlu par pierdût daspò de disfate di Nikolajewka (Galliano De Agostini, Viers soreli jevât)
-
adi.
che al è finît, che nol è plui:
nostalgjiis di un mont pierdût par simpri (Adrian Cescje, Memoriis di politiche linguistiche);
podê recuperâ la sovranitât monetarie pierdude. E je cheste la tesi che cumò e va di plui, disfrutant il sintiment nazionalist (Patrizia Tiberi Vipraio, Euro o no euro: isal chest il probleme?)
Sin. finît
-
muart:
a son vignûts altris doi fruts, cul aiar gnûf de voie di vivi, ma un fi pierdût no si tapone e no si smentee (Cristina Noacco, Faliscjis)
-
adi.
cence sperance di salvâsi:
sta volta i sin pierdûts. Preparansi a murî (Pier Paolo Pasolini, I Turcs tal Friûl)
-
adi.
(fig.)
che al vîf te coruzion morâl:
no i perdonavin la vite dal circ. A disevin che dome lis feminis pierdudis a puedin jessi cussì sfaçadis e cence vergogne di vivi une vite trastolone, in compagnie di oms di teatri, intate di ogni lenghe e di male gjarnazie (Angelo Floramo, Bassilla, Aquilee e il teatri de vite)
Sin. corot1
, depravât
, dissolût
, pervertît
, vuast1
-
che no si rive a riscatâ di une condizion negative, ancje se no à a ce fâ cul pecjât o cu la morâl:
Eve e scomençà a viodi in lui un om pierdût. No si rivave a disnidâlu de sô preson mentâl (Carlo Sgorlon, Ombris tal infinît)
-
adi.
doprât cence nissun pro:
al è scjampât, al è timp pierdût fâ denunziis e verbâi (Alan Brusini, Gian Paolo Linda, I forescj);
e cussì une altre zornade pierdude dibant (Pieri Somede dai Marcs, Un pugn di moscjis)
Sin. butât
, straçât
-
adi.
che nol è dongje o che nol pues jessi gjoldût:
I omis a cugnevin zî a cjatâ vora là che a 'nd era, tant lontan cualchi volta da insumiâsi a pensâ che a vepin pudût stracâsi sun stradi pirdudi fin sui cunfins pi rimits da la cjera (Novella Cantarutti, Stradi pa la val da la Miduna);
[…] il frut che a àn fat insieme / ma insieme ne spietât ne gjoldût / ingomeât di cjocoladas / in scambio di un pari pierdût (Giorgio Ferigo, … e la cjasa a è cidina)
Sin. lontan
-
adi.
cjapât o straviât di un pinsîr, di une emozion, di un sintiment, di une passion e v.i.:
al veve i voi pierdûts intai pinsîrs e i ricuarts (Cristina Noacco, Faliscjis)
Sin. straviât
, striât
-
adi.
che si cjate isolât, lontan di altris elements de stesse sorte o lontan dai lûcs abitâts:
la paronance dal Cont, prime rote da tantis isulis di domini patriarcjâl, e finì, un pôc a la volte, cul ridusisi in cualchi isule pierdude tal teritori dipendent dal Patriarcje (Josef Marchet, Cuintristorie dal Friûl fin sot la Italie);
vuacâ di cjans pierdûts tai cjasâi (Alan Brusini, L'odôr de fiere);
al veve lassât la Mercedes de sô femine intune stradute pierdude, li che nissun le varès notade (Fabian Ros, Un piçul particolâr)
Sin. rimit
, lontan
Polirematichis e espressions idiomatichis
Proverbis:
- copâ int, palâ nêf, sbroiâ morârs e spacâ coculis, al è dut timp pierdût
- cuant che al ven il mâl si cognòs il ben pierdût
- il timp pierdût no si lu cjate plui
- lavôr mâl fat al è timp pierdût
- partide rimetude, partide pierdude