butât
bu|tât
[AF]
-
p.pass., adi.
viôt butâ
, viôt butâsi
-
adi.
metût o lassât o poiât a la svelte, cence masse cure:
la biciclete butade cuintri il lavadôr di piere, la bocje sot il spissul de aghe (Alan Brusini, Come tai romançs);
la stanzie e jere plene di robe, lens, libris, cartons butâts ca e là (Carlo Tolazzi, La salamandrie tal fûc)
-
che al è intune posizion che e somee casuâl, pôc curade, risultade di alc fat a la svelte:
il puint de ledre in Coscjâl, trê trâfs e sîs breis butâts su la roie (Agnul di Spere, Il puint de ledre)
-
adi.
che al à une posizion o une direzion pleade une cierte bande:
il vecjo al è là sù, te sô figure blancje un pôc butade. Al è fer dongje une vît (Maria Forte, La tiere di Lansing);
o ai viodût a colâ jù a plomp, par denant, une statue di arzile […] lis gjambis a jerin dutis butadis e une e jere deventade plui lungje di chê altre (Pieri Menis, Cui si jerial impaçât cun Modestute?)
-
adi.
che al à une cierte predisposizion o predestinazion:
un troi che al podeve lâ pardut tant al jere misteriôs tai siei volts par ca e par là. Vadì, come lui, butât a smalitâsi, e cence un lâ indenant sigûr (Maria Forte, La tiere di Lansing)
Proverbis:
- un solt butât vie di un mat, al è racolt di un savi