Dizionari de Lenghe Furlane

frait  frait  [AF]

1. adi. di materie organiche, che e à vût trasformazions, soredut par fermentazion, mufe o bestiis, che le deteriorin, che i àn fat pierdi consistence, cualitât, integritât, che i dan brut savôr, brut odôr e v.i.:  ti àn comprât un trente chilos di cjastinis, di chês de Sclavanie, cuasi dutis fraidis (Alan Brusini, Amîs come prime); sot dal paviment frait e carulât a balin lis pantianis (Pieri Somede dai Marcs, Cjase di fitâ)
   Sin. vuast¹ , lât¹ , lât di mâl , sabulît , març , corot¹ , passât
   Cfr. lai , laît , intacât
   
   1. s.m.sing. cundizion, odôr, savôr e v.i. di ce che al è lât di mâl:  pucis di nafte e di frait che a tu sintis jù pes sitâts (Antoni Beline, I vilegjants); la devastazion / che a mi à sfolmenât / a sarà il frait da samensa / che a rinassarà in forment (Lussia di Uanis, cit. in Pulvin: tal rignovâsi de intenzion poetiche dai agns ’90)
   2. s.m.sing. part lade di mâl, massime intune pome:  nete vie il frait di chei piruçs e mangje il bon (Mario Martinis, Peraulis in dismentie)
      Sin. fraiderie , fraidum , marçum
2. adi. (fig.) che al à pierdût integritât morâl, onestât, eficience e v.i.:  [al popul] i àno mai domandât se al è content che il guviar al spindi i carantans de int par mantignî lis istituzions plui fraidis dai guviars passâts […]? (Josef Marchet, Rapresentants dal popul); a son egoiscj, carognatis a son… fraits patocs, tal vevi dit (Pieri Somede dai Marcs, Un pugn di moscjis)
   Sin. carulât , corot¹ , lât¹ , vuast¹ , infet¹ , infetât , malât
   
   1. s.m.sing. coruzion morâl:  lis cronachis a risaltin in prime pagjine dome il frait, ma tal mont dal sport san e pulît no fevelin di bot mai (Paola Polverini, Bale tal zei: ce passion!)
      Sin. coruzion , cragne , degjenerazion , degradazion , depravazion , disonestât , imoralitât , porcarie , soçarie , sporcjetât , infet¹
   2. s.m.sing. part che e à pierdût integritât morâl, onestât, eficience e v.i.
      Sin. fraiderie , fraidum , marçum , porcarie , cragne
3. adi. imbombât di un licuit:  lui al jere li, cu la tonie fraide di ploie, che al spietave so pari (Alan Brusini, Par stradis lungjis)
   
   1. di timp, caraterizât di ploie, fumate, umiditât:  difûr il timp al jere frait e al ploveve a selis (Nello Malisano, Un prin dal an te nêf); il mês di Otubar ti jara scomenzât cuntun timp frait, plen di ploia e di nulata bassa (Luciano Spangher, Il mil nûfcent cuarantacuatri)

Polirematichis e espressions idiomatichis

• lâ frait loc.v.

Proverbis:

• i ûfs fraits no sudin mai
• un pêr frait al fraidès ancje chei altris
• un piruç frait al fraidès ducj chei che i son parmìs