Dizionari de Lenghe Furlane

fraidum  /-ùm/  frai|dum  [CO]

1. s.m. materie fraide, cuantitât di robe lade di mâl:  un grant puarton infereât, un fregul roseât sot vie dal fraidum (Roberto Ongaro, Il muc)
   Sin. fraiderie , frait , marçum
2. s.m. (fig.) coruzion morâl:  [lis rosis] e àn tant profum / che par lôr, dome par lôr / jo no sinti la puce dal fraidum / che al intossee e che al impeste il mont (Maria Gioitti del Monaco, Tal ort); si trate di une cragne morâl, di un infet che nus gafe e nus tormente dentrivie, une sorte di fraidum interiôr (Antoni Beline, Se tu sbregassis i cîi)
   Sin. coruzion , depravazion , disonestât , fraiderie , frait , imoralitât , porcarie , marçum , vuast²