Dizionari de Lenghe Furlane

malât  ma|lât  [FO]

1. p.pass., adi. viôt malâsi
2. adi., s.m. cui, cui che al sta pôc ben, che al à une malatie:  Ghine, sô sûr vedrane, che e jere restade dongje dal vecjo malât (Pieri Menis, Il testament); purtrop il malât al stentave a tornâ incà (Gianni Gregoricchio, Trê feminis); tignî fede a chel dovê deontologjic che al à il miedi di compagnâ il malât ancje a la muart te maniere plui dignitose (Christian Romanin, Amato De Monte: Il Friûl, patrie des bataiis di civiltât)
   
   1. ancje di une part specifiche dal organisim:  la protesi totâl di zenoli e je la sostituzion de articolazion malade cuntun implant artificiâl (ASS3, Protesi di zenoli); il bati sfuarçât di un cûr malât a muart (Dino Virgili, La aghe da pît la cleve); al sta cjalant une fuee. La volte te man, la tocje cuntun mot delicât. Di sigûr al à pôre che chê fuee e sei malade (Maria Forte, La tiere di Lansing)
   2. che al mostre pocje salût:  une siore minude, cuntune muse di malade (Gianni Gregoricchio, Trê feminis)
3. adi., s.m. (fig.) che, cui che al è dominât di une passion, di une ossession:  al è malât di invidie; cuant che tu sês malât di amôr tu duarmis pôc tu mangjis pôc e tu pensis tant (Mario Beltramini, Jo e Graziella)
   
   1. che, cui che al à une carateristiche negative:  a faseva câs cu chê musa lungja e chel estru da carabineir malât di tristeria (Novella Cantarutti, Li Anzuliti); pre Checo ju veve definîts "traditôrs de Patrie furlane", malâts di provincialisim sotan (Adrian Cescje, Memoriis di politiche linguistiche)
   2. dominât de matetât:  la vite i veve fat provâ la vuere cui siei pericui, cul so vivi e murî par dibant, nome par dâ seont a chei cuatri cerviei malâts che le vevin volude (Roberto Ongaro, Il muc)
      Sin. mat , fûr , fûr cul cjâf
4. adi. (fig.) di un fenomen sociâl, di une organizazion e v.i., tocjâts di problemis seris:  nol reste che oponisi a chest sisteme malât di intindi la culture (Alessio Screm, Il Mestri Canciani e la culture furlane)

Polirematichis e espressions idiomatichis

• butâsi malât loc.v.
• vê la lune malade loc.v.

Proverbis:

• ai malâts no si po tignîur il suspîr
• bisugne lassâ lâ il mâl jù pai malâts e la vuere jù pai soldâts
• brût riscjaldât no stâ dâjal a un malât
• cuant che i fruts a stan cuiets, segn che a son malâts
• cui che al à cjalt al è malât, cui che al à frêt al è inamorât
• cui che nol à fam o che al à mangjât o che al è malât
• cui che nol mangje o che al à mangjât o che al è malât
• darandan il malât al puarte il san
• il mâl al va simpri pai malâts
• il malât nol à cussience pal san
• il passût no i crôt al zun ni il san al malât
• il san no i crôt al malât
• si cognòs il valôr de salût co si è malâts