Dizionari de Lenghe Furlane

lâ frait    [AF]

1. loc.v. de materie organiche, jentrâ tun procès di decomposizion:  lis pomis, di crudis a levin fraidis cence madressi (Alan Brusini, Come tai romançs); Il pinsîr dai lens tal mieç dal curtîl, che cun chel timp di sigûr a saressin lâts fraits, i veve gjavât il sium (Nello Malisano, Un prin dal an te nêf)
   Sin. fraidessi , lâ di mâl , vuastâsi , fraidî , fraidîsi
   Cfr. corompisi , laîsi , alterâsi , ranzidîsi
   
   1. (fig.) di cualsisei robe, materiâl o imateriâl, o ancje di persone, ruvinâsi, pierdi integritât e v.i.:  chês bieli rubutis [tradizions e contis] che son sparniçadis e, magari cussì no, bandonadis tal nestri biel Friûl e che si scugne ingrumâ prime che ledin fraidis (Dolfo Zorzut, Instoriis e liendis furlanis)

Components:

• frait adi., s.m.sing.
• lâ v.intr., s.m.sing.