Dizionari de Lenghe Furlane

fraidî  frai|dî  [CO]

1. v.intr. di robe di mangjâ o di materiâl organic, vê un procès di alterazion che al puarte fin ae decomposizion:  lis fueis par tiere a tachin a fraidî (Mario Martinis, Il grant lunari dal Friûl. Novembar)
   Sin. corompisi , fraidîsi , lâ di mâl , lâ frait , lâ ranzit , infraidî , fraidessi , fraidessisi , infraidessi , infraidessisi
   Cfr. inmufîsi
   
   1. (fig.) deventâ corot, disonest, pierdi funzionalitât, cualitât e v.i.:  la lenghe […] si manten e si coromp, […] secontri che […] si manten san o che al fraidìs, che al dure o che al si mude, che al vîf o che al mûr un popul (Josef Marchet, Un element fondamentâl dal moviment autonomistic)
2. v.tr. produsi un procès di alterazion che al puarte fin ae decomposizion:  e jere stade tante di chê ploie, par mês a lunc, che in Avost e veve fraidît il fen e mufide scuasi dute la ue (Alviero Negro, Zuantoni il cjargnel)
   Sin. fâ lâ di mâl , fâ lâ frait , corompi , intacâ , alterâ , fâ lâ ranzit , infraidî , infraidessi , infraidessisi