Dizionari de Lenghe Furlane

ispirâ  is|pi|râ  [AF]

1. v.tr. di une entitât divine, fâ nassi tune persone un impuls, une atitudin, di mût che si compuarti intune cierte maniere e che al deventi strument de volontât divine:  ispiraitmi, o cjare Mari, / sants pinsîrs (Zuan Batiste Galeri, La gazie); [te piture si viôt] un piçul, fumatôs diaul tentadôr, a pene sore de spale di Caìn, par ispirâlu tes sôs azions (Franco Marchetta, Madalene)
   Var. inspirâ
   
   1. ancje di entitât no divine, puartâ a un ciert compuartament, a une cierte azion, a une cierte maniere di jessi o di fâ:  soluzions che a jerin incompatibilis cu la mê idee di grafie, e cu la filosofie che le ispirave (Adrian Cescje, Memoriis di politiche linguistiche); la tutele des minorancis e je un valôr pe Europe che e je, che e vûl e che e à di jessi ispirade di principis democratics salts (Marc Stolf, Minorancis linguistichis)
      Sin. indetâ , indreçâ , menâ , puartâ
2. v.tr. di une divinitât protetore de art, concedi a cdn. la sô gracie e fâ che al fasi la sô opare te maniere miôr
   
   1. ancje di cdn. o di alc no divin, dâ a un artist la reson, la idee, il sburt di fâ une buine opare di art o cualsisei opare creative:  la desolazion dai timps di vuê, la miserie, lis conseguencis des vueris, la pierdite di orientament a ispirin puisiis tremendis (Tarcisio Venuti, Secuence di scrituris); [Josef Marchet] al è stât jenfri i prins a dâ forme a un pinsîr autonomist, sedi dal pont di viste culturâl, ispirant il coletîf poetic di Risultive, sedi di chel politic, animant la vôs plene di snait de Patrie dal Friûl (Walter Tomada, Pre Bepo Marchet, il cjantôr de anime dai furlans)
3. v.tr. fâ nassi in cdn. un sintiment, une sensazion, une emozion e v.i.:  nol ispirave ne grandis sperancis tai simpatizants, ne grandis pôris tai contraris (Josef Marchet, La ore decisive); no sai par ce motîf che il fantaçon al tache boton; forsit parcè che i ispirìn fiducie o magari al varà sintût i nestris discors (Checo Tam, La maree nere)
   Sin. cuziâ , dismovi , disveâ , fâ nassi , infondi , lâ , plasê¹ , pocâ , smecâ , stiçâ , tiziâ
   
   1. (ass., zerg.) dâ une buine impression, fâ nassi interès
      Sin. cuziâ , impressionâ , lâ , plasê¹ , pocâ , smecâ