figurâ
fi|gu|râ
[AF]
-
v.tr.
rapresentâ cuntune figure, cuntune imagjin:
ta chel cuadri al jere figurât propit il so amì (Roberto Ongaro, Cretevierte)
Sin. dissegnâ
, modelâ
, sacomâ
, stampanâ
-
jessi la rapresentazion, la imagjin di cdn. o di alc:
chê piture e figurave sante Gjenovefe, e ancje jê e veve dirit a une cjandele impiade (Pieri Menis, I sioperos dal muini)
-
v.tr.
rapresentâ in maniere simboliche:
Pieri Pauli Pasolini al figurave te sô metafore dramatiche [di "I Turcs in Friûl"] la invasion naziste e la Resistence (Adrian Cescje, Memoriis di politiche linguistiche)
Sin. rapresentâ
-
jessi la rapresentazion simboliche:
[tal frontespizi des "Costitutiones"] i doi frututs, poiâts su la schene, a semein slissâ […] i besteons: a figurin personis di piçule "stature" morâl, inlududis o complasintis, che a cirin di profitâ dal savoltament (Lucio Perès, Un artist dal ’500 che al strolegà su la autonomie dal Friûl)
-
v.tr.
dâ une cierte impression, ancje false:
il zovin impleât al cucà parsot l'orloi piçât sul mûr e al figurà di no viodimi (Gianluca Franco, Il solt di Arlunc)
-
v.intr.
vê un ciert aspiet:
cirivi framieç dal ingrumâsi de int, cirivi par rivâ a capî chel tulmignon che al figurave simpri diferent, chel mulinâ di pulvin che al ere il respîr di chel louc (Stiefin Morat, Kebar krossè)
Sin. imparêsi
, mostrâsi
, pandisi
-
v.intr.
comparî in mostre o publicât su alc:
il camarîr ur presente la liste, e un dai cuatri dotôrs al lei ad alte vôs ce che al figure in chê liste (Vuarbite, Listis);
al è un tradutôr, De Gironcoli, che nol à pôre di sfuarçâ la lenghe […]. E chest si lu viôt ancje intal piçul macut di traduzions che no figuravin inte edizion dal '77, zontadis in cheste ocasion (Laurin Zuan Nardin, Tal mâr dai siums)
Sin. cjatâsi
, comparî
, jessi1
, jessi dentri
-
v.intr.
jessi considerât intune cierte maniere:
[i colonei] pûr continuant a figurâ in siarvizi, a scugnaressin restâ a cjase, cuntune riduzion de indenitât operative dal 10% (Riedo Pup, Cinccent a la volte)
Sin. jessi calcolât
, jessi considerât
, jessi tignût
, saltâ fûr
, vignî fûr
, aparî
, risultâ
-
v.intr.
parê bon, fâ biele figure:
pûr di figurâ e mandarès in malore la famee (Giulio Andrea Pirona, Ercole Carletti, Giovanni Battista Corgnali, Il Nuovo Pirona)