fantat
/-àt/
fan|tat
[FO]
-
s.m.
cui che nol è plui frut ma nol è ancjemò adult o che al è di pôc te etât adulte o che in ogni câs al è ben plui zovin di cui che al fevele:
un fantat di disesiet agns che al veve cirût di copâsi e lu vevin salvât cuntune lavade gastriche (Agnul di Spere, I prâts des Savodagnis);
un fantat sui vincjecinc agns, cu la muse largje e i voi a fressure come un cosac (Carlo Sgorlon, Prime di sere)
Sin. canai
, frut1
, mamul
, mûl
, puem
, pulzet
, zitel
, zovin
, frutat
, donzel
, pivel
, infant
-
(fam.)
massime tant che apelatîf, persone di cualsisei etât, che si è in confidence o che si fevele in maniere afetuose o scherçose:
se cualchidun i tirave fûr lis nainis dai vecjos, de classe, de naie, de vuere, al jevave une man come par parâsi vie une moscje dal nas, nome disint: «Anìn, po, fantats, dulà sino?» (Alan Brusini, Alpin jo mame!)
-
s.m.
compagn intune relazion sentimentâl:
la frutate cu la prime bussade a darà al so fantat el plui biel sclopon da sô cjase (Dolfo Zorzut, El sclopon);
i doi fantats si son tant abraçâts tal saludâsi e, prime di lâ, si son prometûts di sposâsi cuant che lui al tornave (AAVV, Sul florî)
Sin. biel
, morôs
, inamorât
, madôr
, om
, puem
, ben
, zovin
-
s.m.
om no maridât:
a cincuante agns al è ancjimò fantat (Giulio Andrea Pirona, Ercole Carletti, Giovanni Battista Corgnali, Il Nuovo Pirona);
ai cjatât tel casson un schiribiç / stât scrit za diviars agn, par un nuviç / il cuâl l'ere un cjâf mat, / e prin di lâ al altâr, / i vignì l'estro di restâ fantat (Pieri Çorut, Par lis gnocis Ferrari-Morat)
Sin. vedran
-
s.m.
lavoradôr no specializât, che al fâs i lavôrs plui sempliçs:
il fantat dai gjornâi;
il fantat dal lat
Sin. zovin
, mûl
, frutat
, frut1
, garzon
Proverbis:
- a fantate biele, brut fantat
- chês che a mangjin crostis e lat, no cjataran un biel fantat
- cuant che a son di maridâ nissun fantat al è puar, nissune fantate triste
- nissun fantat no si maride puar, nissune fantate triste
- un bon vassiel di vin e une brave fantate si vendiju a cjase