frutat
/-àt/
fru|tat
[FO]
-
s.m.
persone che si cjate te etât de infanzie, o jenfri infanzie e zoventût o ancje te prime zoventût:
jo o jeri frutat in chê volte. Ma un frutat tamesât e o capivi za dut (Maria Forte, Il tei);
al lave sù e jù pes stradis fasint il bulo, vuidant cuntune man sole e, se cualchi frutat i domandave di provâ, lui i rideve e lu contentave (Maria Forte, Cjase di Dalban);
a vincj agns no veve fate leghe cun nissun, ni cun frutatis de sô etât ni cun frutats (Pieri Menis, Destins)
Sin. canai
, frut1
, mûl
, puem
, pulzet
, zitel
, zovin
, donzel
-
s.m.
zovin lavoradôr o servidôr cun mansions gjenerichis:
e rivave pueste de prime fie Dusuline, a servî a Turin di frutate tune cjase di siôrs che i volevin ben come a une fie (Ivano Urli, La mance)
Sin. fantat
, mûl
, garzon
, frut1
-
s.m.
apelatîf confidenziâl, ancje di afiet o ironie, par un frut o un om di cualsisei etât:
"Frutats" dissal Manga. "O sin dal gjat […]" (Checo Tam, Sense)
Sin. fantacin
, fantat
, fiol
, fion
, frut1
-
s.m.
(fam.)
persone rispiet a sô mari o so pari, fi:
Oh, mari mê, ce isal sucedût?!… une disgracie?!… a Pieri, a Matie, a Ulvin? … - ju veve nomenâts ducj puare femine, i siei frutats soldâts (Pieri Menis, Sul agâr)
Sin. canai
, fantat
, mûl
, mulet1
, frut1
-
s.m.
persone che si à une relazion sentimentâl o che si è inamorâts:
al jere lât a cjantâ madresse sot il barcon de sô frutate (Dino Virgili, La aghe da pît la cleve)
Sin. morôs
, fantat
, puem