mûl
mûl
[AF]
-
s.m.
mamifar dumiesti steril nassût di un mus e di une cjavale:
al imbrancà scorie e redinis e al scomençà a parâ par lâ fûr de Tor. - Gjee Linde, dai Gjenio! … Ma i mûi no si movevin: a sintivin il pês e a zirucavin (Dino Virgili, Il cjaradôr des animis);
la Italie e varà dutis lis pecjis, ma i mûi ju à simpri tratâts ben. Za in chê volte par un mûl [dai alpins] che nol tornave a jerin denunziis, interogatoris, ricercjis… (Riedo Pup, Viliacco)
-
s.m.
(ancje fig.)
in paragons o metaforis par dî di cdn. une vore ustinât:
jê si jere inacuarte subit di ce raze di lazarons che a jerin i zinars, e veve tentât di viarzi i voi a lis fiis, ma lôr no le vevin scoltade, a jerin testardis come mûi (Carlo Sgorlon, Prime di sere)
-
in paragons o metaforis par dî di cdn. che al lavore tant che mai:
a àn començât a cjolimi vie, a dîmi che il paron [de fornâs] al jere une bestie, che al faseve lavorâ come mûi ancje di fieste (Pieri Menis, Il gno prin pâr di scarpis)
-
s.m.
cui che nol è plui frut ma nol è ancjemò adult o che al è di pôc te etât adulte o che in ogni câs al è ben plui zovin di cui che al fevele:
li dal Cret, a Biliris, a jerin in vincj di lôr in famee; e une dozene di fruts. Co a mangjavin, la sere, là a stavin i grancj, e ca i mûi, tune stanzie tacade (Meni Ucel, Justizie);
a vevin simpri volût ben i Muraie a di chê uniche sûr; cuant che ur jere mancjade la mari, che a jerin ancjemò mûi, e jere stade jê a viodi di lôr, (Pieri Menis, Chei di Muraie);
"Se isal, se isal ca, mûi ? Se cualchidun al à di fâ alc, che al vegni cun me!" (Dino Virgili, La strade come un destin)
Sin. canai
, frut1
, mamul
, fantat
, puem
, pulzet
, zitel
, zovin
, frutat
, donzel
, pivel
, infant
-
zovin che si sta insiemi intune relazion sentimentâl
Sin. biel
, morôs
, puem
, ben
, zovin
, fantat
-
s.m.
[TS]
mus.
strument a cuarde avonde grant:
un tiarset famôs, ator il 1860, lu formavin il Mincig, sunadôr di violin, il Picec, che sunava il clarinet e un siart Cerne, che sunava il mûl, un strument che i someava al liron e al violunsel, sensa jessi ne un ne l'altri (Ranieri Mario Cossâr, Gnossis gurissanis)
-
s.m., adi.
misture di vin blanc e neri o ben vin rosât:
i vecjos di Sant Pauli a stan bessôi / a bevin un mûl /e a cjalin polvar gnouf / deventâ nûl / e zî cuissà dulà (Stiefin Morat, I vecjos di Sant Pauli)
Proverbis:
- baste jessi mûi par jessi fortunâts
- dal cjaval e dal mûl trê pas daûr dal cûl
- l'om si plee, il mûl al è ustinât
- si lee il mus là che il paron comande