vedran
/-àn/
ve|dran
[AF]
-
s.m., adi.
che, cui che nol è maridât:
lis fantatis i disevin vedran e lui nancje no si scomponeve… "Chê che o ai di cjoli jo e à inmò di nassi…" (Dino Virgili, La aghe da pît la cleve);
un om curiôs, vedran, sôl come un pantianat (Pieri Somede dai Marcs, Strambariis);
al viveve bessôl cuntun fradi vedran come lui (Meni Ucel, I macarons)
Cfr. sengul
-
s.m., adi.
(ster.)
che, cui che al à un brut caratar
Sin. ruspiôs
, rusgnac
, salvadi
, rebec
Proverbis:
- cjar di vedran no le vûl nancje il cjan
- la cjar dal vedran no le mangje nancje il cjan
- la vedrane e volarès vêlu, la maridade e volarès tornâlu indaûr