Dizionari de Lenghe Furlane

inamorât  in|a|mo|rât  [AF]

1. p.pass., adi. viôt inamorâ , viôt inamorâsi
   Var. inemorât , namorât , nemorât
2. adi., s.m. che, cui che al à un sintiment di amôr e passion par cdn.:  o jeri inamorât di jê. O jeri un om di plui di cuarante agns, che no si jere mai sposât, e Marianne e jere une zovine di une bielece straordenarie (Andrea Stocco, Sui spirts); «No sâstu che gno barbe al jere inamorât in jê e che al voleve maridâle, za agn?» (Carlo Sgorlon, Il dolfin); un inamorât si vise di ducj i particolârs e al sint ancjemò il sgrisul de prime strente e de prime bussade (Antoni Beline, Sant Jacum, là che al finìs il mont)
   Sin. cuet¹ , imberlît , imbertonât , impassionât , infogonât , becât sot di une ale
3. s.m. cui che al à une relazion sentimentâl cun cdn. altri, massime tai prins timps cuant che la passion e je gnove:  l'inamorât i mande une rose e une bussade (Cristina Noacco, Faliscjis)
   Sin. morôs
   
   1. cui che al volarès vê une relazion sentimentâl cun cdn. altri:  [Lucine Savorgnane] e à ispirât la novele "Giulietta" scrite dal so inamorât Luigi Da Porto, ae fonde dal "Romeo&Juliet" di William Shakespeare (Erika Adami, La muse zentîl de Patrie); Dio sa ben con malcontent / di vô / sufrirai peno e torment / plui che ogno altri inamorât. / Vignovus di me pecjât / di lassâmi in tant ardôr (Anonim, Bielo dumnlo di valôr)
      Sin. pretendent , spasimant
4. adi., s.m. che, cui che al à une grande passion o un grant afiet par alc:  int gnove e je rivade e tancj di lôr a son restâts culì inamorâts de tiere e de int (Igor Londero, Cuintristorie dal taramot); no son pôcs i amîs de Furlanie, i siei inamorâts, i siei fedêi (Josef Marchet, Legnadis e pidadis); un stramp di frut o jeri / inamorât piardût de poesie (Enrico Fruch, Sul puint di Premariâs)
5. adi. plen di amôr, che al è espression o risultât di amôr, afiet, passion e v.i.:  Giuseppe Zigaina […], de vision inamorade de planure che e cor jù fin ae lagune, e des storiis che le àn animade, al è rivât adore a creâ un paisaç gnûf, «tra enigme e profezie», jevant la sô art a valôr universâl (Erika Adami, Falcets e bicicletis, tocs de storie furlane)
   Sin. cuet¹ , imberlît , imbertonât , impassionât , infogonât

Proverbis:

• cui che al à cjalt al è malât, cui che al à frêt al è inamorât
• di gnot a zirin i laris e i inamorâts
• la lune ur fâs lusôr ai laris e ai inamorâts