inamorâsi
in|a|mo|râ|si
[AF]
-
v.pron.intr.
tacâ a vê un sintiment di atrazion une vore fuarte e di amôr par cdn., ancje cun sens di mutualitât, un par chel altri:
il princip al si inamorà di capot inte fantate (Luigi Gortani, La fie e la fiastre);
[la principesse] a ti si inamore inta chel zovin, clame so pari e gji dîs che ûl vê dome lui e nissun altri (Dolfo Zorzut, Blancjuteflôr e el zuiadôr);
un fantat al leve ogni sere a cjatâlis. Vuê al faseve l'amôr cu la prime, doman cu la seconde, passantdoman cu la tiarce, une altre dì cu la cuarte. Lôr dutis cuatri si inamorarin di lui (Catarine Percude, Lis aganis di Borgnan);
«Miute di Udin» la clamavin cussì par vie che e veve sposât un vicin de citât. Al ere un biel zovin, vignût a imparâ il fari a Zeà, là che si jerin inamorâts (Pieri Menis, A uciei cu lis archetis)
Sin. incapriçâsi
, infatuâsi
, scjaldâsi
, imberlîsi
, imbertonâsi
Var. namorâsi
, inemorâsi
, nemorâsi
-
v.pron.intr.
fâsi cjapâ di un interès, di une passion o di un desideri une vore grant par alc:
a passin i cjaçadôrs e chei fantats si inamorin di lâ a cjace ancje lôr, viodint chê sorte di jeurs che a vevin cjapât i cjaçadôrs (Andreina Nicoloso Ciceri, I siet fradis - Racconti popolari friulani I);
jo mi inamori des peraulis, o sint la lôr bielece: e lassâ che a ledin pierdudis al sarès un delit (Walter Tomada, «Al covente snait par fâ lâ indevant la leterature furlane» al dîs Raffaele Serafini, vincidôr dal Sant Simon 2017)
Sin. entusiasmâsi
, infatuâsi
, scjaldâsi
, passionâsi
, apassionâsi
Proverbis:
- cui che no si inamore di zovin si inamore di vieli