creature
/-ù-/
cre|a|tu|re
[FO]
-
s.f.
ogni vivent, in particolâr ogni persone, par vie che daûr de tradizion religjose a derivin de creazion di Diu:
dutis lis creaturis dal bosc (Franca Mainardis, Un bosc cence colôrs);
no si saveve se a jerin creaturis viventis o machinis (Checo Tam, La invasion);
i ti prei, Madonuta, tu la pi cjara creatura dai Signour. I ti prei in pont di muart (Pier Paolo Pasolini, I Turcs tal Friûl)
Sin. jessi1
, vivent
, animâl ipon.
, bestie ipon.
, persone ipon.
, om ipon.
, cristian ipon.
Var. crature
-
s.f.
persone te etât de infanzie, o ancje prime dal part:
e passave miezis zornadis framieç des scunutis a rimirâsi lis creaturis (Gianni Gregoricchio, Trê feminis)
Sin. canai
, canaie
, fi1
, frut1
-
fi, massime te etât de infanzie, ma ancje prime dal part o, in espressions di afiet, dopo in etât adulte:
la biade vedue di un cristian che le veve lassade impastanade cuntun cjap di creaturis di nudrî (Josef Cjargnel, I maçarots di Trep);
come che a è greva, tal grim da la mari, la creatura inmò da nassi, cussì a pesa su li spali dai fîs che a la puartin, la cassa da la mari muarta (Novella Cantarutti, Cença sunsûr)
Sin. canai
, fi1
, frut1
-
s.f.
ancje riferît a persone adulte, tant che espressions di afiet, compassion e v.i.:
no podeve capî jê, creature… (Maria Forte, La tiere di Lansing);
no stait a vê pôre, creature. Jo o soi ca par judâus (Pieri Menis, La maghe no fale);
ce vite grame che e veve di menâ, puare creature! (Franca Mainardis, Il sium di Lissandri)
Sin. fi1
, fion
-
s.f.
femine, massime in espressions cun adietîfs che a specifichin la sô bielece:
une creature deliziose, invezit, vistude di sede sgargiante, cjalcis colôr cinise, scarpis lustris (Arturo Feruglio, Viaç a Vignesie)
-
s.f.
risultât dal creâ o ancje consecuence, direte o indirete, di une azion, di une situazion e v.i.:
jo creatôr mudât, cumò, tune creature de mê sbisie di poete (Dino Virgili, In scolte…)
Sin. creazion