Dizionari de Lenghe Furlane

contadin  /-ìn/  con|ta|din  [FO]

1. s.m., adi. cui che par mistîr al lavore la tiere:  un contadin, tune stale dongje, al molzeve une magre vacjute intant che la sô femine e butave jù da la trombe dal cjast un braç di fen profumât (Franca Mainardis, Grivôr); al faseve il contadin, lavorant la tiere di so pari cuistade cuissà in cetantis gjenerazions (Pieri Menis, Gno nono)
   Sin. agricultôr , vilan , coltivadôr , colono ipon. , fituâl ipon. , massâr ipon. , terenâr ipon. , bacan² ipon. , paur ipon. , bolpat ipon.
   
   1. adi. che par vivi al lavore la tiere, formât di personis che par vivi a lavorin la tiere:  la classe contadine e cjatarà te Riforme, massime intai setôrs plui radicâi dal protestantisim, lis resons ideologjichis e cultuâls par inviâ une lote (Fabian Ros, La invenzion dal stât); i bens comunâi a rapresentin une integrazion di vuadagn par ogni famee contadine, soredut par chês indebitadis e cence bêçs (Elio Varutti, Il Risorziment a Martignà)
2. adi. di paîs, di campagne, de agriculture:  parsore di chel vivi, il tarlec di cjampanis contadinis e, di sere, la avemarie che e voleve dî: dôs fueis di lidric, une passade di Rosari e po sù "a slofen" (Maria Forte, Cjase di Dalban); la difusion di chest stîl di vite citadin al riscje di scancelâ dal dut la impronte culturâl e dal paisaç contadin ancje in chei puescj di grant valôr storic ambientâl (Rino Gubiani, Studi da la evoluzion dal paisaç mediant i toponims)
   Sin. campagnûl , rurâl , rustic , agrari
   
   1. caraterizât de agriculture:  po stâi che ducj i popui di culture contadine - la plui antighe e la plui nobile des culturis - a vedin chel rispiet, chê amicizie e chel amôr pes bestiis che a àn i furlans (Riedo Pup, I furlans e lis bestiis)
3. adi. tipic dai contadins:  tancj di lôr a consideravin lis minorancis pal aspiet des specificitâts culturâls des lôr tradizions contadinis (Adrian Cescje, Memoriis di politiche linguistiche)
   Sin. campagnûl , rurâl , rustic
4. adi., s.m. (spres.) che, cui che al à i caratars negatîfs tipics des classis sociâls bassis, soredut cui che si compuarte cence finece, cence creance, ancje tant che ofese:  si saltin parmìs tant che doi gjaluts imboreçâts. - Brut contadin, nassût te buiace! - al dîs chel che al menave il camion. E chel altri al infilze porconadis (Josef Marchet, Lis predicjis dal muini)
   Sin. cjastron , coiar , çoçul , grubian , macôr , sclapeçocs , tabar , tangar , grês , rusgnac , ruspi , ruspiôs , salvadi , volgâr , vilan , ordenari

Proverbis:

• beât il paron se il contadin al puarte il cjapiel in bande
• contadin marcjadant, contadin birbant
• contadin no stâ seâ parcè che la mari il fi e à di bagnâ
• cui che al nas contadin al crepe bifolc
• cui che al nas contadin al crepe vilan
• il brâf contadin al semene cu la man e no cul sac
• il contadin nol à mai fin
• il contadin nol à mai padin
• un contadin che al vent ledan al compre pedoi