agrari
/-grà-/
a|gra|ri
[AF]
-
adi.
de agriculture, che al à a ce fâ cu la agriculture, cul lavôr de tiere e cu lis sôs tecnichis, cu la sô organizazion produtive e v.i.:
lis riformis agrariis e sociâls (Josef Marchet, La gnespule malmadure);
i mudaments plui grancj intal paisaç agrari a son stâts la sparizion dai morârs […] e la introduzion di estensions penzis di coltivazions di soie (Walter Tomada, Di contadins a imprenditôrs, ma tocje fâ simpri di bessôi)
Sin. agricul
-
adi., s.m.
[TS]
polit.
tal lengaç dai sindicâts, lavoradôr impleât te agriculture
-
adi., s.m.
[TS]
polit.
grant proprietari di tiere:
nissun, che si ves savût, al stave cui «agraris», il partît dai siorons, che a tignivin ancjemò i lôr contadins a vivi di miserie (Pieri Menis, Chei di Muraie);
lui al stave de bande di chei che a jerin cuintri dal intervent. Le veve cun cui che al predicjave la vuere che, stant a ce che a declaravin, e varès vût di sdrumâ il stât agrari e capitalist (Gianni Gregoricchio, Barbe Masaniello)