Dizionari de Lenghe Furlane

cjame  cja|me  [AF]

1. s.f. cuantitât di robe, cuntun ciert volum e pês, di puartâ o traspuartâ o mandâ o sim.:  i carioliscj a menavin vie di chês cjamis [di arzile], che dute la gnervadure dal cuel ur vignive infûr e i pagnuts dai braçs si indurivin come di clap (Dino Virgili, La aghe da pît la cleve); se torni a cjase cul mus discjamât, mê mari mi gjave i voi; viodìn almancul di puartâi sù une cjame di lens (Luigi Gortani, Il matescul di Cjabie); i vignive iniment il so cjar, cu lis ruedis di camion, fuart e lizêr, che al puartave come nuie une cjame di trente cuintâi (Carlo Sgorlon, Prime di sere)
   Sin. caric , cjarie
2. s.f. azion di preparâ, meti dongje o meti sù robe par puartâle, traspuartâle, mandâle o sim.:  Tite e Pieri a puartarin di bevi ai umigns che a fasevin la cjame (Maria Forte, Cjase di Dalban)
   Sin. caric , cjarie
3. s.f. fuarce esercitade di un cuarp par efiet de gravitât o par une pression:  [il complès dal mûr cui arcs] prin al jere dut un corisi daûr di viertiduris largjis come puartons, e come schenis fuartis, a tignî sù la cjame de cjase (Maria Forte, I arcs)
   Sin. caric , pression , pês¹ , cjarie
4. s.f. il meti in cundizion di funzionâ un aparât cul dâi o cul metii la energjie, la tension, il carburant, lis munizions o sim. che i coventin:  meti in cjame il telefonut
   Sin. cjarie
   
   1. la energjie, la tension, il carburant, lis munizions o sim. che i coventin a un aparât par funzionâ:  li pacaris a son prontis, li cjamis di microesplosîf (Raffaele Serafini, Contis sot spirt)
5. s.f. (fig.) ce che al compuarte un pês, une fadie, un impegn, ancje imateriâl, psicologjic, morâl e v.i.:  Meni al jere dât par dispierdût. Dopo, Tilde, e ve dute su lis sô spalis la cjame de vite di lôr dôs, che Catine - pe prime e uniche volte - si pleà sui siei dolôrs (Gianni Gregoricchio, Trê feminis); cussì Cavedalis, che pûr si jere oponût a cheste decision, al si cjatà su la schene une cjame di responsabilitâts (Giovanni Pillinini, Zuan Batiste Cavedalis - Une vite esemplâr)
   Sin. pês¹ , cjarie
   
   1. ce che al compuarte une spese, un impegn economic, il paiament di un tribût o sim.:  un sogjet al vâl chel altri par fâ cheste vore, baste che si cjapedi lui la cjame dai paiaments (Adrian Cescje, Memoriis di politiche linguistiche)
      Sin. impegn , cost , cjarie
      Cfr. imposizion , agravece
6. s.f. (fig.) grande cuantitât, ancje di alc di imateriâl:  [l'ostîr] al jere simpri Nardin, cuntune buine cjame di carnevâi di plui sù pe schene (Franca Mainardis, Il sium di Lissandri); al si inecuarç da vê guadagnât na cjama di bêçs (Novella Cantarutti, I cjans di not)
   Sin. baste , cjarie , frac , mont² , sglavin , sglavinade , slac , vore , sdrume , grum
7. s.f. (fig., pop.) stât di inflamazion e in câs ostruzion des viis respiratoriis:  no ai fiere, ma o ai intor une cjame di chês
   Sin. costipazion , sope , cjarie

Proverbis:

• la cjase e je une gruesse cjame