pression
/-òn/
pre|ssi|on
[FO]
-
s.f.
fuarce che si fâs cuintri di alc, che e pues cambiâ la sô forme o posizion:
une lizere pression sul scatarel e veve fat partî il colp (Cristina Noacco, Faliscjis)
Cfr. cjame
, cjarie
, pês1
, fuarce
, cjalcjade
, fracade
, scliçade
-
s.f.
[TS]
fis.
rapuart tra la fuarce che si fâs su di une superficie e la misure di chê superficie, o ben la fuarce par unitât di superficie
-
in riferiment a fluits, licuits e gas, grandece che e rapresente lis interazions tra lis particulis dal fluit
-
variabile che, cu la temperadure e il volum, e determine il stât termodinamic di un fluit
-
s.f.
[TS]
fis.
fuarce che i gas de atmosfere a fasin suntune superficie orizontâl a tiere o intun ciert pont di rilevazion, che si misure in bar e milibar:
a paritât di cuote o di pression l'aiar frêt al è plui fis, ven a stâi plui pesant, di chel cjalt (Stefano Micheletti, Marcellino Salvador, Notis di meteorologjie pal Friûl - Vignesie Julie)
-
s.f.
[TS]
med.
fuarce fate dal sanc in circolazion su lis parêts des arteriis:
[il primari] lu palpâ a lunc, intant che il miedi zovin e la muinie i tignivin i braçs; al domandâ che i misurassin la pression, po i tirà sù lis palpieris cjalantji cun dute atenzion lis pipinis dai voi (Amedeo Giacomini, Tal ospedâl);
masse sâl al fâs alçâ la pression e cressi il pericul di malatiis dal cûr e de circolazion (Guglielmo Pitzalis, Mangje san 2)
-
s.f.
(fig.)
azion fate par sburtâ un a fâ alc:
si cîr di fâ pôre e si fasin pressions di ogni fate sui citadins di lenghe sclave par obleâju a mandâ i fruts tes scuelis talianis (Josef Marchet, Dirits, promessis e fats)