cjadree
/-drè-/
cja|dre|e
[FO]
-
s.f.
mobil li che e pues sentâsi dome une persone, fat par solit di une sente che e poie su cuatri gjambis e di un schenâl:
jê si jere sentade su la cjadree, che no veve nancje fuarce di inrabiâsi (Alan Brusini, Amîs come prime);
denant de birarie dal Müller, cognossude in dut il contor, cjadreis e taulins plens di bevidôrs de famose bire nere che al faseve chel siôr (Pieri Menis, Une letare par Bepo);
si sin jevâts sù de cjadree cul cjâf sturnît, ducj ingrisignîts di frêt (Pieri Somede dai Marcs, Sant Simon: 28 di Otubar 1917);
un paîs soredut agricul fin ae fin de vuere, ma che dopo, massime dai agns Cincuante indenant, si è mudât intun paîs artesanâl, in gracie de industrie de cjadree nassude inte zone di Manzan (Dree Venier, Giannola Nonino: une rivoluzion partide des lidrîs)
Cfr. sente
, plan1
, schenarili
, pît
, gjambe
, spiergul
, pecol
, siele
, scagn
, scagnut
, bancje
, schenîl
, schenâl
-
s.f.
(fig.)
puest di podê, incarghe impuartant:
lis bausiis pietosis di cui che al cîr di dâ a ducj i coscj un messaç positîf, lis bausiis oportunistis di cui che al vûl salvâ dome la sô cjadree e la sô paie, lis bausiis criminâls di cui che al vûl lassâ murî la lenghe furlane aromai a son dutis sul stes plan, no valin plui justificazions (Sandri Carrozzo, Vuere e pâs - Il conflit linguistic in Friûl jenfri vuere cidine e pâs bausarie)
Sin. puest1
, sente
, poltrone1
-
s.f.
(fig.)
puest di vore in ufici:
culì no 'nd jere fabrichis di dâ lavôr ai manoâi ma dome puescj statâi di dâ cjadreis ai diplomâts, ai laureâts, ai impleâts (Antoni Beline, La eterne lote dai furlans)
Sin. puest1
, buse
, sente
Polirematichis e espressions idiomatichis
Proverbis:
- cui che al va a gnocis cence invidâ nol cjate cjadree par sentâ
- cui che al va a gnocis cence jessi clamât nol cjate cjadree di sentâsi
- cui che si sente sun dôs cjadreis dispès al cole par tiere