Dizionari de Lenghe Furlane

scagn  scagn  [CO]

1. s.m. sente cence schenâl e cence braçâi:  "Ah, Signôr, judait chel frut…" e zemè la none che si jere sentade suntun scagn daprûf dal fogolâr (Pieri Menis, Sul agâr)
   Sin. scagnut , bredul
2. s.m. sente tipiche di ciertis altis autoritâts:  une cause che no nus à puartâts, e no nus puartarà, su nissun scagn parlamentâr (Josef Marchet, Svelts e dordei)
   
   1. (fig.) in espressions che a vuelin dî di une ande autorevule o ancje supierbeose:  la int ju veve in piche e ur diseve che a jerin montâts masse in scagn (Alviero Negro, Cjase Asquine)
   2. (fig.) ce o cui che al ven doprât par stâ intune posizion di domini:  ûstu che la schene dai puars e fasi ancjemò di scagn pai siôrs? (Alviero Negro, La cjase)
3. s.m. mobil di glesie o sim. li che si metisi in zenoglon
   
   1. sorte di mobil che si podeve puartâ li di une aghe, cuntun plan par metisi in zenoglon e une bree par resentâ la robe lavade
4. s.m. clape di zovins coscrits:  par solit il trop dal scagn nol faseve cuissà ce mateçs in paîs (Gianni Gregoricchio, Îr e doman)
   
   1. sorte di paiament o di pinitince di iniziazion che si faseve par jentrâ te clape dai coscrits:  la leç che e regolave la vite dai zovins e jere plui fuarte de volontât di un sôl, e cussì al veve scugnût pleâsi, paiâ il scagn (un salam par ducj e un toscanin pal "santul") (Gianni Gregoricchio, Îr e doman)

Polirematichis e espressions idiomatichis

• montâ in scagn loc.v.

Proverbis:

• la mierde che e monte in scagn o che e puce o che e fâs dam
• la mierde che e salte in scagn o che e puce o che e fâs dam
• mierde montade in scagn o che a puce o che a fâs dam