catidre
/cà-/
ca|ti|dre
[CO]
-
s.f.
sente di une autoritât religjose, soredut di un vescul:
il cuviert de urne [di sante Anastasie] al corispuint al parepet dal altâr de catidre origjinarie (Bepi Agostinis, Storie de art in Friûl)
Var. catedre
-
(meton.)
dignitât di vescul o sede o jurisdizion di un vescul:
Nicolau al jere montat su la catidre di Acuilee ai 31 di Otubar dal 1350 (Angelo Floramo, In chê dì. 8e pontade);
vie pai secui a mudarin lis perspetivis, ma no la nature profonde dal leam che al veve unît lis dôs catidris furlanis (Aquilee e Concuardie, ndr. ) (Luche Nazzi, Int di sant Ermacure?)
-
s.f.
taule di scrivi di un insegnant:
a tu par tu, dongje de catidre i ai domandât ce che al pensàs dal ‘68 che o jerin daûr a vivi (Dree Valcic, I 100 agns di pre Checo, un profete che al cjalave lontan)
-
(meton.)
incjarie titulâr di insegnament, soredut in universitât:
il prof. Vincenzo Orioles […] e la prof.e Silvana Schiavi Fachin (catidre de Didatiche des Lenghis Modernis), a àn marcât la funzion fate fin cumò de Universitât judant lis comunitâts gjermanofonis regjonâls (Luca Coradduzza, Gjermanofons in cunvigne a Sauris);
chel inzegnîr Giuseppe Colombo che al tignive catidre al Politecnic e che al à contribuît ae industrializazion eletriche di Milan (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)