Dizionari de Lenghe Furlane

sente  /sè-/  sen|te  [AF]

1. s.f. mobil o puest dulà che si pues sentâsi:  tornâ a viodi inmò i claps e lis sentis sui pats des puartis o sui puartons di strade pai comareçs des seris di Istât (Dino Virgili, La aghe da pît la cleve); motos customizadis a son chês strambis, cu la sente basse e lungje, il manuvri bas e slungjât (Oscar Puntel, Trop sono malâts di moto i furlans? Sal domandìn a 30 agns de scree de peraule par dî bikers: motârs)
   Var. sinte
   Cfr. cjadree , sentâl , sentarin , siele , scagn , bancje , poltrone¹
   
   1. plan orizontâl di un cjadree, di une poltrone, di un scagn o sim.:  si stave cussì ben cuçâts sul sofà larc di sente, cui cussins di lane fofe cu la fodre a grandis riis grisis (Pieri Somede dai Marcs, Il tinel)
2. s.f. puest di une autoritât elete o nomenade:  Cromazi, sucessôr di Valerian su la sente episcopâl di Aquilee (Redazion La Patrie dal Friûl, Sant Cromazi)
   Sin. scagn
   
   1. puest di cui che al è elet o nomenât tant che membri di une assemblee:  a Gurize la situazion e je ancjemò dal dut vierte, parcè che lis secretariis dai partîts a àn di studiâ cemût cori la corse pes sentis parlamentârs (Redazion La Patrie dal Friûl, "Election day" furlane); se si fossin presentâts Mf e Laf insiemi e o vessin fate ogni tic di propagande sul teritori o varessin garantît lis dôs sentis ae Laf e l'Mf al varès cjapât ben plui dai 12.568 vôts che al de dongje (Adrian Cescje, Memoriis di politiche linguistiche)
      Sin. cjadree , poltrone¹ , scagn , puest¹

Proverbis:

• cui che al mangje in pîts al mangje par sîs, cui che al mangje in sente al mangje par trente