bancje
ban|cje
[FO]
-
s.f.
sente lungje li che si puedin sentâ plui personis:
par viodi ducj adun la partide […] a àn decidût di picjâ un linzûl […] e di vierzi intal curtîl lis bancjis e lis taulis de vecje sagre (Cristina Noacco, Faliscjis);
ancje il cont al vignive jù dal cjistiel ta la ostarie e si sentave su la bancje, dongje il fûc (Riedo Pup, Vigji Brusin)
Sin. banc
-
s.f.
[CO, TS]
sport
imprest par fâ esercizi, spec. par distirâsi e tirâ sù pês tignint la schene pognete o inclinade
-
s.f.
grant scjalin di teren:
denant di chest complès e lave jù la braide dute a bancjis, cun spaleris simpri tiradis a fîl (Pieri Menis, Chei di Muraie)
Sin. ronc
-
s.f.
imprese di intermediazion e servizis finanziaris che e cjape a dipuesit, e impreste, e invistìs bêçs:
i siôrs de alte Furlanie cun cjamps e cjasis e monede in bancje e magari la steme di piere sul puarton (Alan Brusini, Come tai romançs);
i fevelà de sostance in bêçs che i veve lassade so pari e, pe vuere, malamentri lade al mancul su lis bancjis (Alan Brusini, Un om di mont)
Sin. banc
, istitût bancjari
, istitût di credit
-
la sede di chel istitût:
la videocjamare e regjistrave un om cul passemontagne che si imbusave te bancje, pistole in man (Fabian Ros, La rambe)
Sin. banc
-
s.f.
[TS]
med.
istituzion o centri par tignî di cont materiâl biologjic:
bancje dal sanc
Proverbis:
- bêçs in bancje e ledan tal cjamp