banc
banc
[FO]
-
s.m.
sente lungje li che si puedin sentâ plui personis:
in chês Messis di Otubar al stave tal prin banc jù pe glesie, in bande des feminis, cu la cjandele impiade sul banc (Meni Ucel, Messe a straoris);
tal mieç dal mezât a je une taule lungjonone cun doi bancs, un par bande (Ugo Pellis, Dôs cjacaris di Vencul - Prefazion a Instoriis e liendis furlanis)
Sin. bancje
-
s.m.
plan par scrivi, a voltis unît cuntune sente, par une o par plui personis:
Loris, te scuele di Padier, simpri tal prin banc, al veve imparât a cjantâ lis silabis sul libri, e a scrivi a planc (Dino Virgili, La aghe da pît la cleve)
-
s.m.
in parlaments, orghins deliberatîfs e v.i., puest di ogni membri:
chei trê sapients al è un biel pieç che si remenin sui bancs dal guvier di Rome (Josef Marchet, I trê savis di là jù);
cui che al à la peraule al fevele dal so banc, in pîts, indreçantsi al consei (Aministrazion Publiche, Regolament dal Consei Comunâl dal Comun di Udin)
-
s.m.
in tribunâl il puest dal magjistrât o des parts:
al mi faseve propit compassion, a viodilu sul banc dai acusâts (Guido Antonioli, Florean dal Palaç, I, 1)
-
s.m.
sorte di taule alte in buteghis, uficis e v.i.:
daûr dal banc l'ostîr al meteve in ordin un mac di cjartis boladis (Carlo Sgorlon, Prime di sere);
cualchidun al torne ta la ostarie, al ordene un altri tai, al peste il pugn sul banc come par fâsi valê (Alan Brusini, Gian Paolo Linda, I forescj)
-
s.m.
mobil di lavôr dai artesans:
Di une bande, sot il mûr, al jere un banc di marangon, e di une bree inclaudade ae parêt a pendolavin imprescj di ogni fate (Carlo Sgorlon, Prime di sere)
Sin. desc
, taule
, taulin
-
s.m.
[CO, TS]
stor.
taulin dal cambist:
E al cjatà tal templi int che e vendeve bûs, pioris e colombis e chei che a scambiavin bêçs sentâts tal banc (Antoni Beline (trad.), Vanzeli di Zuan)
-
taulin di usurâr:
al jere simpri a man un siorut che al veve banc in place, pront a imprestâju a usure (Alviero Negro, L'usurâr)
-
s.m.
[CO, TS]
burocr.
locâl o barachin autorizât a ricevi lis cartelis di zûcs publics:
il banc dal lot
-
s.m.
[CO, TS]
zûcs
tai zûcs di cjartis, sume di bêçs che il zuiadôr che al ten zûc al à denant e che e covente par paiâ lis vincitis eventuâls di chei altris zuiadôrs:
Irene a cjase sô e ten banc di faraon, zûc une vore proibît par dut l'imperi austriac, e cuant che Casanova al va a zuiâ li di jê, si vise che Irene e imbroie (Pierluigi Visintin, Friûl e furlans te Histoire de ma vie di Giacomo Casanova)
-
il zuiadôr che al ten il banc:
usgnot al vinç simpri il banc
-
s.m.
[BF]
(fig.)
ocupazion, funzion, ufici:
chest banc nol è par me (Jacopo Pirona, Vocabolario friulano)
-
s.m.
nûl fis di fumate che al cuvierç un spazi limitât:
o vevin di traviersâ come bancs di fumate, par cjatâsi po dopo di chê altre bande (Carlo Sgorlon, Il dolfin)
Sin. bâr
-
s.m.
grande cuantitât di pes che si movin ducj adun:
un banc di sardons
Sin. trop2
, scjap
-
s.m.
grum o strât di materiâi di elements naturâi disponûts par lunc:
al si veva cu la sô compagnia cjaçât cun la barcja in secja dentri a un banc di savalon (Federigo Comelli, Il me paîs)
-
s.m.
[TS]
gjeol.
strât di sediments plui alt di un metri:
lant insù pe val a son simpri di plui i grues bancs di brecis che a derivin di slacs sotmarins (Francesco Gobbo, Gjeologjie e paleontologjie ator di Preon)
Sin. cors1
Polirematichis e espressions idiomatichis
