Dizionari de Lenghe Furlane

bâr  bâr  [AF]

1. s.m. toc di tiere che si distache intîr cuant che si lavore o che e reste tacade intor des lidrîs cuant che si tire sù une plante:  il coltri al sunà cuintri di alc, il versôr al movè un bâr (Dino Virgili, Cuel Valâr)
   Sin. clup , çope
   Var. bar¹
   
   1. piçule porzion di tiere cun plantis parsore:  cualchi bâr di rosis implantadis ca e là e scjafoiadis tra lis jerbacis (Josef Marchet, Lis predicjis dal muini); al distacà di un fossâl li dongje grancj bârs di tiere dute floride di margaritis, judantsi cuntun curtìs (Carlo Sgorlon, Prime di sere)
2. s.m. grup fis di fueis, di rosis o di ramaçs che a nassin de stesse lidrîs:  a era zuda sù in siminça come un bar di salata tuna anada di sec (Novella Cantarutti, Li Anzuliti)
   Sin. çuf , mani
3. s.m. toc di cualsisei materiâl:  al roseave cuatri bârs di polente e une strece di luianie (Alan Brusini, I universitaris); difûr, sot il puarti, cualchidun al bat i pîts par distacâsi i bârs di nêf des çuculis (Dino Virgili, La aghe da pît la cleve)
   Sin. bocon , toc¹ , bloc , çope
   
   1. cuantitât di nûi o di fumate che si da dongje:  scurît il soreli sot di un bâr di nûl grîs, la campagne si jere inmusonade (Pieri Somede dai Marcs, Clâr e scûr)
4. s.m. [BF, TS] ognidune des dôs parts principâls dal cjar formade di un pâr di ruedis cul stes as e di chei altris tocs cometûts cun chel as
   Sin. braçadure , bracidure

Polirematichis e espressions idiomatichis

• a bâr falît loc.av.
• fonc di bâr loc.s.m.

Proverbis:

• par seren che al sedi il cîl, al è simpri un bâr di nûl