siele
/-èl-/
sie|le
[AF]
-
s.f.
sorte di sente di corean che si metile sul cjaval, mus o mûl par stâi parsore:
intun cjanton a jerin ancje une siele gnove, un smuars, lis brenis e ducj i finiments (Carlo Sgorlon, Il dolfin)
Cfr. baste2
-
sente di bicliclete, moto, motorin e v.i.:
al cjamave lis sôs oparis sul puartepacs che si jere fat fâ di mestri Nart e che al veve logât su la moto, subit daûr de siele (Roberto Ongaro, Cretevierte);
tal curtîl, dongje de puarte, a jerin poiadis dôs bicicletis gnovis, cuntun façolet blanc parsore de siele (Carlo Sgorlon, Prime di sere)
Sin. sente
, sentarin
-
s.f.
ingjavadure jenfri dôs monts:
la strade che e va sù pe val di Tramonç, daspò de siele dal Rest, e rive in Cjargne (Agnul di Spere, Midun)
Sin. forcje
-
s.f.
sorte di scagnut par molzi, in gjenar cuntune sole gjambe:
la int si comedave su lis sielis di molzi o su lis cjadreis (Dino Virgili, La aghe da pît la cleve)
Sin. pecol
-
in gjenerâl, scagnut di cualsisei sorte:
il Vuarp, simpri sentât suntune siele taiade a manarie di man, al fumave saldo (Maria Forte, La rive di Sant Pieri)
-
s.f.
imprest formât di une sorte di telâr cun ruedis par poiâsi intant che si cjamine, massime pai fruts o pai viei:
e veve dongje di se inte siele il so frut, e tal braç chel di sô cugnade che i deve di tete (Catarine Percude, La plui biele)
Proverbis:
- cui che al jeve al piert la siele, cui che si sente si comede
- cui che nol à cjaval e al proviôt scorein, siele e spiron, se al vûl al è un mincjon
- cui che nol po bati il mus al bat la siele
- miôr pierdi la siele che no il cjaval
- se no si po bati il cjaval, si bat la siele
- une gabele no devente puieri cul metii la siele