Dizionari de Lenghe Furlane

calpestrâ  cal|pes|trâ  [CO]

1. v.tr. fracâ alc cui pîts, cjaminâ parsore:  ur àn impedît ai ongjarês di Matie Hunyadi di calpestrâ il teritori sogjetât ae Serenissime (Alviero Negro, Strumîrs e Çambarlans)
   Sin. pescjâ² , tibiâ , folpeâ , talpassâ , folpescjâ , malabiâ , çopeâ
2. v.tr. (fig.) no rispietâ, no tratâ cun rivuart, fâ mâl, fâ dam, tignî sometût, oprimût o reprimût:  no po calpestrâ il passât, i viei, i muarts che i fevelin tal cûr (Dino Virgili, La aghe da pît la cleve); "Se lu disès, o tradirès la dignitât dal gno ranc e o calpestrarès l'onôr dal gno non…" (Alviero Negro, Int di masnade)
   Sin. pescjâ² , bati , sotanâ , somerzi , talpassâ , cruziâ , lambicâ , tormentâ , travaiâ , tudâ , tumiâ , fruçâ , malabiâ , tibiâ