travaiâ
tra|va|iâ
[CO]
-
v.tr.
causâ soference, fadie, fastidi:
la gota lu travaia za trops agn. I siei dolôrs gji fan parê biela la sorta del fachin, che mena la cariola par Guriza (Zuan Luîs Filli, Il diau sul Studeniz);
ma la strie capìs che mi travaie, / jo la cognòs cui je, sun me si impâr: / je ca chê brutonone di vecjaie (Gabriele Paciani, Lament di un vieli del so propri stât)
Sin. cruziâ
, tribulâ
, tormentâ
-
v.intr.
sopuartâ, patî dolôr, sfuarç, fadie:
oh cuant che al devi travaiâ [l'om] par vivi ancje scjarsamentri! Un è mâl dispost nel cuarp, l’altri è travaiât nel anim; nol è nissun che al sei plenamentri o lungjamentri content (Anonim, cit. in Federico Vicario, Scritture religiose friulane dalla Carnia)
Sin. tribulâ
, patî
-
v.tr., v.intr.
[FÛ]
lavorâ:
cjolintju come una rivelazion del futûr, a si cjacin daûr a chê clamada, travain e sudin, e chel che no varès fat mai la furtuna al fâs nassi la fede (Federigo Comelli, Il me paîs);
se cul rastiel no tu larâs / travaiant spes la tiara, e se i uciei / cun cualchi strepit non tu spaurirâs, / [...] / a mangjâ glant tu vignarâs sfuarçât (Zuan Josef Busiç, La Gjeorgjica di Virgjili);
dì e gnot ai simpri pront il mio sotan / che si clame Zuan Taie, / om che l'è rabiôs co nol travaie (Pieri Çorut, Un viaç fortunât);
a i van vinti jù di Invier a travaiâ di sertôrs, tessedôrs, cjaliârs, marangons [...] (Anonim, cit. in Vincenzo Joppi, Testi inediti friulani)
Sin. lavorâ