Dizionari de Lenghe Furlane

trancuîl  tran|cu|îl  [CO]

1. adi. di cdn., o di caratar o dal mût di stâ, che nol è agjitât, gnervôs, conturbât e v.i.:  beât l'om, che trancuîl, / dopo vê simpri confidât nel cîl, / e vêsi lambicât / pal ben de umanitât, / sul cjaveçâl, cu la cossience pure, / paie l'ultim tribût a la nature (Pieri Çorut, La gnot dei muarts)
   Sin. bon , calm , cuç , pacific , pacjific , seren , cuiet , pacheôs , pasât , dolç , pazient , mugnestri
   
   1. ancje come esortazion:  «Trancuîl! O sai fâ il gno» (Raffaele Serafini, Soreli jevât a mont)
2. adi. di bestie, che no fâs cuintri, che no je agressive
   Sin. bon , calm , cuç , pacific , pacjific , cuiet , dolç , mugnestri , dumiesti
3. adi. di dade di timp, di situazion, puest e v.i., che al da, che al mostre, che al fâs sintî calme, pâs, serenitât, che nol è disturbât o caraterizât di confusion, sunsûrs e v.i.:  [la cjase] e à il zardin biel grant, e je intune zone trancuile (Valentina Pagani, Ristruturâ o fâ sù gnûf? Ce costial di plui?)
   Sin. calm , pacific , pacjific , seren , cuiet , pasât , cidin , cêt
4. adi. di aghe, aiar, element naturâl e v.i., no mot, no violent:  al lusive il mâr distês e trancuîl come un spieli (Luigi Gortani, Un paîs misteriôs)
   Sin. calm , pacific , pacjific , seren , cuiet , pasât , lemit