seren
/-èn/
se|ren
[AF]
-
adi.
dal cîl e dal timp, cence nûi:
e il cîl seren, e la aria neta, e l'orizont che al si spalanca cuasi sença cunfin… Ce vuarêso di miei? (Federigo Comelli, Il me paîs);
al pareve propit di sintî une cjampane tal aiar seren de Viarte: glons di sabide sere (Dino Virgili, La aghe da pît la cleve)
Sin. biel
Cfr. net
, clâr
-
s.m.
timp caraterizât de mancjance di nûi e di perturbazions:
viôt chest timp che nus va di pâl in frascje / une ore o vin seren, chê altre burascje (Pieri Çorut, Il Strolic furlan par l'an 1821)
-
(fig.)
cundizion di felicitât:
ma cuant che jê mancul si la spieta, a gji mûr so pari, e al seren da sô vita al scomensa a innulâsi (Ugo Pellis, Catinuta)
-
adi.
di aghe, cence sporcheçs:
e spesseave a buinore a incolmâ cjaldîrs e podinis cun aghe serene (Maria Forte, Cjase di Dalban)
Sin. net
, limpi
, clâr
, trasparent
-
adi.
caraterizât de mancjance di preocupazions, pôris, soferencis e v.i.:
tu viodarâs Rose che une vite gnove si vierzarès ancje par te, une vite serene (Pieri Somede dai Marcs, Vilie di Nadâl (teatri));
une vite vivude un pôc cence stoc, va ben, ma serene e furnide di lavôr (Maria Forte, La aghe dal Ariul)
Sin. feliç
, cuiet
, legri
, pacific
, calm
, trancuîl
-
che al mostre o che al comuniche calme, trancuilitât, mancjance di preocupazions e v.i.:
o cjalai la muse taronde e serene di Martin, e o sintii a dopleâsi la mê simpatie par lui (Carlo Sgorlon, Il dolfin);
Lukas al jere sui cutuardis e al veve l'at seren di so pari (Agnul di Spere, Int no consumade)
-
s.m.
mancjance di preocupazions, pôris, soferencis, tensions e v.i.:
il cjatâsi in buine armonie ator di une biele taule, che e fasi vignî un fregul di aghegole, no je dome cuistion di bultric; e je ancje cuistion di pâs intal cûr e di seren tai voi e di buinis peraulis sui lavris (Josef Marchet, Lis predicjis dal muini);
al veve spindût mâl il seren de sô zoventût e al jere rivât a sei come in crôs su la sô anime (Maria Forte, La tiere di Lansing)
Proverbis:
- daspò dal seren a ven la ploie
- par seren che al sedi il cîl, al è simpri un bâr di nûl
- parsore il nûl al è simpri seren
- se il timp al è seren, ancje cu la borse flape si sta ben
- seren di gnot, conseis di feminis