cidin
/-ìn/
ci|din
[FO]
-
adi., s.m.
che, cui che al tâs:
Rita e restà cidine un moment, e dopo i disè che i saveve agrât di vêi fat chel zugatul a Ricardo (Carlo Sgorlon, Prime di sere);
Anzul si fâs dongje de lûs e si met a lei cidin, fermantsi dispès par tornâ di li a pôc a silabâ sot vôs (Pieri Menis, A uciei cu lis archetis);
stâ cidin e lasse fevelâ chei altris;
tâs cidin!
Sin. cêt
, cuç
, mucin
, zito
, cidinôs
-
che, cui che al è usât a tasê, a fevelâ pôc:
Carla, intant, e jere la parone che e comandave cidine e sigure (Maria Forte, Cjase di Dalban);
int buine, cidine, che e lavorave cence domandâ nuie (Angelo Floramo, Cuintristorie dal Nûfcent 1970-1980)
-
che, cui che nol proteste, che si rassegne:
e cetancj furlans, cidins, in chei agns, a àn scugnût cambiâ mistîr, lassant libar il puest a di une schirie di oportuniscj che a vignivin di dute Italie (Angelo Floramo, Cuintristorie dal Nûfcent 1920-1930)
-
adi.
che nol fâs o che nol à rumôr:
so fradi tal jet vicin al durmive come un çoc, dute la cjase cidine, difûr nancje un chic (Pieri Menis, Nadâl ancje par Gjelmin);
i cjars a passavin sdrondenant par stradis intorteadis tai cjanâi, jenfri sgoifs di monts cidinis, par dongje aghis mai sintudis a innomenâ (Dino Virgili, La aghe da pît la cleve)
Sin. cêt
, cuiet
-
adi.
(fig.)
che no si impâr, che al sucêt cence fâ scjas:
il consum critic al vâl tant che une rivoluzion cidine (Buteghe dal Mont, Luche Nazzi, Guide par un consum just e solidâl);
a àn di dî e provâ cui fats se a ubidissin ae costituzion e aes leçs, che a tutelin la lenghe furlane, o se a ubidissin a interès personâi e a chei di partît […], che a puartin al stermini cidin de lenghe furlane (Sandri Carrozzo, Vuere e pâs - Il conflit linguistic in Friûl jenfri vuere cidine e pâs bausarie)
Sin. platât
, scuindût
, sordin
-
che al sucêt cence une declarazion pandude in maniere specifiche:
il president dal consei al pues invidâ a intervignî tes sentadis publichis dipendents comunâi e, cul consens ancje cidin dal consei, ancje personis difûr da la aministrazion, par furnî sclariments e notiziis su ogjets di discuti (Aministrazion Publiche, Regolament dal Consei Comunâl dal Comun di Udin)
-
adi.
in funzion averbiâl, a basse vôs:
ti vignive voie di fevelâ cidin come in glesie (Maria Forte, La rive di Sant Pieri);
disêt cidins però che babe Remo Basiù al sta fasint cumò la sieste dal dopomisdì (Checo Tam, Sense)
Sin. sot vôs
, planc
, a planc
-
s.m.
situazion li che no si dîs nuie, li che no son sunsûrs:
un ingôs par ducj i doi, ma par un bot tal stomi discompagn. E un grant cidin al colà jenfri di lôr (Maria Forte, Cjase di Dalban);
a ricuardâ chest inovâl cuntun minût di cidin al è stât ancje il gnûf president dal Consei regjonâl (Redazion Radio Onde Furlane, Inovâl dal Taramot dal 1976);
lis seris de sierade, neris e fondis come poçs, di no viodi a un pas, un scûr di taiâlu a fetis, un cidin di fâ pôre, il gust infinît di cjatâsi e strenzisi (Alan Brusini, Par stradis lungjis)
Sin. zito
, silenzi
, cidinôr
, cidinûl
Polirematichis e espressions idiomatichis
Proverbis:
- aghe cidine e puarte ruvine
- aghe cidine e ruvine i puints, lime sordine e ruvine lis cjasis
- la aghe cidine a fâs marcî i pâi
