planc
planc
[FO]
-
av.
cun lentece, pôc par volte:
cuant che il grisum spandût dulintor al scomençà planc a mudâsi di clâr in scûr, Min al tacà a viodi lontan a man drete un flum di lusutis zalitis in dôs o trê filis che al scoreve pegri vignint sù de citât (Gianfranco Pellegrini, Il drâc)
Var. plan2
Cfr. planchin
, plancut
, plancuç
, plancucin
-
av.
cuntune velocitât che e permet sigurece, cun prudence:
ti fracave chel pît che al jere un plasê. «Che al ledi planc, lu prei!». Ma lui al voleve mostrâmi trop che e leve la bestie (Antoni Beline, Pre Pitin)
Sin. adasi
, a planc
, biel planc
, descul
, plancuç
-
ancje in riferiment no a moviments fisics, ma a cualsisei azion, cun prudence, cun calme, cun precauzion:
pre Checo al mostrave interès e al mugugnave aprovazion intant che al scoltave tirant fum dal zigar. Sul cantin de grafie normalizade però mi fermà: "Dut ben, al disè, però chi o vin di lâ planc" (Adrian Cescje, Memoriis di politiche linguistiche)
-
av.
cun vôs basse:
al jere tart e in cjase o cjati sô mari che mi dîs planc "E je lade a durmî" (Mario Beltramini, Jo e Graziella);
"Fevele planc, al podarès sintîti" (Carlo Sgorlon, Prime di sere)
Sin. a planc
, bas
, ben planc
, cidin
, di sotvôs
, sotvôs
, sotvôs vie
-
cence fâ tant sunsûr:
fâs planc! Stin atents di no dismovi i viei (Tarcisio Venuti, La cjase di Toni)
-
av.
cun delicatece:
che i vierzè la puarte, lui le bussà e jê: "Va planc, che tu mi fasis colâ il façolet dal cjâf! " (Roberto Ongaro, Il muc)
Polirematichis e espressions idiomatichis
Proverbis:
- bisugne lâ adasi planc par rivâ prest
- bisugne lâ planc par rivâ prest
- cui che al va planc al va salt
- cui che al va planc al va san e lontan
- il Signôr nol paie ogni sabide, al va ben planc ben planc, e vie pal timp al va tacant