Dizionari de Lenghe Furlane

testart  /-àrt/  tes|tart  [CO]

1. adi., s.m. che, cui che si inteste, che al ten dûr, che al va indenant cuntune azion, cuntune idee, cuntune convinzion e v.i., cence lassâsi divoltâ:  "No stâ fâ il testart; lassiti guidâ. In fonts, po, tu cjapis la cjosse masse sul tragjic" (Bruno Paolo Pellarini, Amôr in canoniche); si vergognave di jessisi mostrât testart tal pratindi alc che cumò i pareve meschin e sence nissune impuartance (Mario De Apollonia, Il timp par ledrôs)
   Sin. cjaviestri , dûr , durion¹ , fer , tegnôs , ustinât , restîf , costant , indurant , salt² , tegnadiç , incagnît
   Cfr. roc¹ , mus , mûl

Proverbis:

• i testarts le vuelin simpri a lôr mût
• i viei a son testarts
• il testart cumò o dibot al va a cjase cul cjâf rot
• testarts e litighents a ingrassin i avocats