stâ sot
[AF]
-
loc.v.
stâ plui injù di alc o di cdn.:
[la antene] le vin montade intune oficine a Breçà, bulon par bulon, e dopo le vin puartade sù a Forgjarie. Li, jo o direzevi i lavôrs stant sot e Elio e Fiorello a stevin rimpinâts par tirâ sù i tocs (Max Mauro, Un Friûl difarent: i 90 mhz di Onde Furlane)
-
loc.v.
stâ intune posizion jerarchiche subordenade:
[chei che no jerin scjampâts dopo Cjaurêt] a speravin di rivâ a puartâle fûr parcè che a jerin usâts a stâ sot (Maria Forte, Cjase di Dalban);
nol pues rivâ nuie di bon cuant che si oblee une persone a stâ sot, a parâ jù, a gloti un altre culture, come che a àn fat cun tancj di nô (Franc Fari, Il cjâf dai furlans)
-
loc.v.
cun riferiment a une idee, a un concet e v.i., jessi la fonde di un discors, di un resonament:
e je cheste la idee che e sta sot de intese firmade a Dicembar passât te sede de Regjon a Udin jenfri la ARLeF […] e la ASS 5 (Redazion La Patrie dal Friûl, La cicogne in marilenghe)
-
loc.v.
jessi platât ma impuartant:
al voleve capî ce che al stave sot di chê gjenerositât (Roberto Ongaro, Il muc)
Sin. stâ daûr
-
loc.v.
lâ daûr jessint une vore dongje:
sence viarzi bocje e cul cjâf bas, e veve ripiât a cjaminâ. Ma il plevan nol veve nissune intenzion di molâle e i stave sot (Gianni Gregoricchio, Îr e doman)
-
loc.v.
[TS]
sport
stâ une vore dongje di un aversari o dal balon:
"Môf chês gjambis di miarde, sta sot a chê bale!" (Stiefin Morat, Donald dal Tiliment)
-
loc.v.
tune strade, cjaminâ o lâ indevant une vore in bande, plui lontan che si pues dal mieç de strade:
"Sta sot, che a passin machinis"
-
loc.v.
vê cure di cdn. o di alc:
"Ancje jo o ai di stâur sot ai miei interès. Nol abadial ancje lui ai siei?" (Alviero Negro, Int di masnade)
Sin. viodi
, stâ daûr
Cfr. tignî
, guviernâ
, regolâ
, tignî cont
-
loc.v.
impegnâsi par otignî un risultât:
bisugnarès che chei che a son bogns di fâ e di meti dongje lis robis a scomencin a pensâi e a stâi sot fin di cumò, par meti in vore, un an daûr chel altri, alc di biel e di grant (Pieri Grassi, Sandri Secco dai Juris, La Europe des patriis);
di sigûr o starai sot ae Farie, che e à di lâ indenant simpri pal miôr (Christian Romanin, Teatri par furlan, ma par cui?)
Sin. stâ daûr
-
loc.v.
stâ atent e impegnâsi par che cdn. al fasi alc o domandâ, cirî di vê alc cun ustinazion:
cui si sintial di sustignî che cierte int no àn dade e no stan dant une man pal Friûl? Si tratarà di stâur sot, di invoiâju, di judâju cu la critiche e ancje cu la laut cuant che a meretin (Antoni Beline, A 'nd è ancjemò furlans)
Sin. stâ parsore
, stâ daûr
-
loc.v.
vê e mostrâ interès sentimentâl o sessuâl par cdn.:
al à scomençât a stâi sot a di une altre fantate dal borc sperant di fâi rabie ae Bete (Meni Ucel, Rosaris)
Sin. lâ daûr
, stâ daûr
, vignî daûr
-
loc.v.
[TS]
zûcs
tai zûcs di grup, jessi chel che, in volte, i tocje di vê une funzion speciâl, par esempli cirî chei altris cuant che si zuie di platâsi:
e jere deventade la flabe insiliose dai fruts di ducj i borcs; che zuiant a zigavin a chel che al «stave sot»: - Ane Manat - cul cûl tal plat - cui pîts difûr - corimi daûr… (Maria Forte, La aghe dal Ariul);
fâ la conte par decidi cui che al steve sot (Cristina Noacco, Faliscjis)
Components:
-
sot
prep., av., adi.inv., inter., s.m.sing.
-
stâ
v.intr.
