stâ parsore
[CO]
-
loc.v.
stâ adalt, cun o cence contat cun ce che al è sot:
la corint di aria che prima disevi, […] traviarsa la filiada e il strât di gran che gji sta parsora e suiant nel so passaç chist gran, al si imbêf di vapôr (Federigo Comelli, Il me paîs);
pilastris o colonis, dulà che si scjarie il pês de struture che e sta parsore (Bepi Agostinis, Storie de art in Friûl)
-
loc.v.
jessi intune posizion jerarchiche di superioritât, jessi plui impuartant:
se no si po infidâsi dal personâl di un ufici, parcè si varessial mo di infidâsi dal personâl di chel altri che i sta parsore a controlâlu? (Josef Marchet, Jerarchie);
lis resons di marcjât a stan parsore di chês de identitât e de cualitât dal prodot dal teritori (Mara Piccoli, Vignâi: lis autoritâts sotanis e la resistence dai coltivadôrs)
-
loc.v.
fâ sintî control, pression psicologjiche su chei altris:
no si pues stâ simpri parsore dai fîs, si à di lassâ che a fasin la lôr vite
Sin. stâ sot
, stâ intor
-
loc.v.
fâsi sintî tant che pês, menace, pericul, imposizion e v.i.:
de Scozie ae Frisie, ae Bretagne, ae Baviere, ae Val di Aoste, al Friûl, il stes pericul - ce plui ce mancul fuart - al sta parsore e al scjafoie lis lôr libertâts politichis, il lôr svilup culturâl: il centralisim nazionâl (Josef Marchet, Europe regjonaliste);
il pinsîr de muart si slargjave e i stave parsore (Carlo Sgorlon, Ombris tal infinît)
Components:
-
parsore
prep., av., adi.inv., s.m.sing.
-
stâ
v.intr.
