Dizionari de Lenghe Furlane

sofrî  so|frî  [CO]

1. v.tr., v.intr. stâ mâl, vê di frontâ un mâl, sedi tal fisic che tal spirt:  [Crist] insults e spasins / al sofrive sence fin / e al murive sante Vitime / sul patibul de la crôs (Zuan Batiste Galeri, Il furlan a messe); il puar baron Pieri in chê ocasion al à tant sofrît nome a pensâ che il delit al ere sucedût te sô Cumune (Giovanni Gortani, La sbigule - Une gnot tun broili)
   Sin. patî , penâ
   Cfr. sopuartâ
   
   1. vê fastidis economics:  lis gruessis realtâts produtivis dal setôr a sofrissin ancjemò e a àn di lâ indevant a ricori ae casse integrazion (Fabiano Venuti, Instalazion di implants: la crisi che e colpìs cence fâ rumôr)
2. v.intr., v.tr. vê une malatie, un probleme di salût, un sintom e v.i.:  tant in vile che in citât, / àn sofrît inflamazions / mâi di panze, brontolons (Pieri Çorut, Il Strolic mezan. Pronostic par l'an 1856); [la jerbe taiadore] e jude chei che a sofrissin di colitis e emoroidis (Giorgio Pascoli, Il Litum: jerbis salvadiis te cusine)
   Sin. vê
   
   1. v.tr. vê sensibilitât a ciertis cundizions:  si fâs soredut blave, che e je une culture che no sofrìs tant il sec (Cinzia Collini, Sec masse sec)
      Sin. sintî , patî
3. v.tr. cjapâ cun pazience e rassegnazion:  ognun, fûr che Betine, / in ste stagjon respire; / jê sole vai, sospire; / no po sofrî l'Istât (Pieri Çorut, I bagns di Betine); il vuê al conte. E alore e vâl la pene di gjoldilu o di sofrîlu par chel che al è (Gianni Gregoricchio, Trê feminis)
   Sin. acetâ , gloti , paidî , parâ jù , patî , tignî , tolerâ , digjerî , sopuartâ