Dizionari de Lenghe Furlane

sflorî  sflo|rî  [AF]

1. v.intr. di plante, fâ lis rosis, jessi tal moment che e fâs lis rosis:  nol è facil cjatâ une plante, un sterp, un arbul che a sflorissin tal cûr dal Unviar (Sandri Secco dai Juris, Il Calicant di Unviar); la plante [di freule] e sflorìs tra Avrîl e Avost, daûr de cuote (Giorgio Pascoli, Il litum. Jerbis salvadiis te cusine)
   Sin. florezâ , floritâ
   Var. florî
   
   1. di rose, vierzisi:  al salte fûr chel soreli clip - l'ultin de stagjon - come dismenteât dal Istât grant. E alore a finissin di sflorî lis samartinis (Dino Virgili, Sant Martin)
      Sin. dâ fûr , rompi fûr , vierzisi
   2. di lûc, di moment o altri, cuvierzisi di rosis, jessi caraterizât des rosis:  e bisugnave viodi / Iplis in Primevere, / in Març o Avrîl, secont, cuant che sflorivin / a plen e che nulivin / i roncs e dute cuante chê riviere (Enrico Fruch, Il plevan di Iplis)
2. v.intr. (fig.) nassi e cressi, vê vivôr, svilupâsi, prosperâ:  al conte cemût che e je sfloride la sô passion pe musiche (Sandro Lano, Sunôrs furlans transoceanics)
   Sin. cjapâ pît , cressi , florizâ , inlidrisâ , jessi in flôr , jessi in floride , lâ in flôr , passonâ , prosperâ , slargjâsi , spampanâsi , spandisi , sparniçâsi , sverdeâ , vignî sù
   
   1. rivâ a un biel compiment, a une fase di bielece e di viertidure:  la seconde ande e je stade chê di conservâ e consegnâ il patrimoni de culture dal passât; la Ete di Mieç lu à tignût a clucî e po al è sflorît fûr tal Rinassiment (Rizieri De Tina, Cjapâ sù il nestri passât par vê ispirazions tal vivi il presint e proviodi l’avignî)
   2. s.m.sing. moment plui biel, o, riferît a une persone, moment de prime zovinece:  "Nadalie, tu sâs cemût che e je par nô feminis sul prin sflorî co dut nus rît, co nô o plasìn a ducj!" (Pieri Piçul, Vieri e gnûf)
      Sin. flôr
3. v.tr. fâ deventâ biel cu lis rosis
   
   1. fâ biel cun alc che al pues someâsi cu lis rosis
4. v.intr. [BF] cuvierzisi di mufe o di incrostazions
5. v.intr. [BF] viôt disflorî :  "Cjare Lele, tu vegnis simpri pui biele! Jo invessi o sflorìs!" (Arturo Feruglio, Un grop sul stomi)