passonâ
pa|sso|nâ
[AF]
-
v.intr.
des bestiis, soredut, ma no dome, di chês dumiestiis che a mangjin jerbe, lâ ator a mangjâ:
dongje i pins a passonavin doi mûi tun splaçut netât de nêf (Riedo Pup, Viliacco);
i ôcs a jevavin dome il cjâf e a cjalavin in sbighet, cence pôre, po a tornavin a passonâ cuiets come prin (Maria Forte, I ôcs di Miute);
al lasse che lis vacjis a passonin là che ur poche (Ivano Urli, Storie di Vera)
-
v.tr.
mangjâ jerbe o altri:
i viars [...] a corevin sù pal arbossit a passonâ chês fueutis tenarinis (Catarine Percude, I viars di sant Jop);
li ti viodin une puere vicjute che cu la sô rocje sot el braç ti file sot di un arbul dongje di une vacjute che ti passone la arbe (Dolfo Zorzut, El Signôr al cjastie i poltrons)
-
v.intr., v.tr.
di cdn., puartâ ator lis bestiis par che a mangjin:
al viodeve une femine passonâ cu lis pioris te Comugne (Lucio Perès, Vigji il vuardian);
«Coma i no si impensais? ... Chei sturgnei di turcs di Cjasarsa che a passonavin li pioris intai nustris rivâi...» (Ovidio Colussi, Il pilustrât)
-
v.intr.
(fig.)
di cdn. lâ ator, torzeonant dibant o cirint alc o cdn. che al interesse, in câs ancje morosant:
insome, Mirco no in buinis cu la femine, al varà ben passonât di cualchi bande (Alan Brusini, Par stradis lungjis)
-
v.intr.
(fig.)
ancje di alc di astrat, inanimât e v.i., movisi, lâ ator, vê difusion e efiet ca e là:
dut ce che al nas a Rome al à dirit, dopo, di slargjâsi e di passonâ par dute la Italie (Riedo Pup, Dîs milions di analfabets);
se no je la scuele, e passone la ignorance (AAVV, Sul florî)