sbisiâ
sbi|si|â
[AF]
-
v.tr., v.intr.
tocjâ e movi plui voltis par cjatâ alc:
al continuave cun chê altre man a sbisià te sachete (Catarine Percude, Il solt del Signôr)
Sin. sbisigulâ
, furigâ
, sgarfâ
, sgripiâ
, sfurigâ
Var. bisiâ
, bisigâ
, sbisigâ
-
v.tr., v.intr.
cirî di savê cun curiositât, ancje cun indiscrezion:
la int dispès si interesse di storie dome tant che ripâr di un presint che e refude […]. Invezit la storiografie che e va a sbisiâ tes plaiis par contâ il presint e interesse un grum di mancul (Mauro Della Schiava, Storie dal taramot platade, Igor Londero: "La storiografie e varès di jessi une arme par dreçâ tuarts")
Sin. burigâ
, furigâ
, sbisigulâ
, scrusignâ
, sfurigâ
-
v.tr., v.intr.
fâ alc di indefinît, lavorâ in alc che nol ven precisât o che no si capìs:
al è vignût orsere la altre, al à sbisiât dôs oris daprûf dai fîi dal eletric (Josef Marchet, Lis predicjis dal muini);
al va al banc di lavôr e si met a sbisiâ alc (Pieri Somede dai Marcs, Vilie di Nadâl (teatri))
Sin. cjossolâ
-
v.intr., v.tr.
(fig.)
di pinsîrs, sensazion e v.i., vignî tal cjâf, tal cûr e v.i.:
i sbisiavin tal cjâf mil domandis su chel gnûf vicin di cjase (Antescûr, L'om misteriôs);
cuant che al fo dongje la puarte a Jolande, a viodilu lâ vie, i sbisià dentri un lamp di dûl (Carlo Sgorlon, Prime di sere)
Sin. balinâ
, remenâ
, saltâ
, sbisigulâ
, sghirlâ
-
v.intr.
causâ pice, fastidi:
e ce âtu che al sbisia? / Ese pluma? Ese gurtia? / Ese ponta di curtìs? (Giorgio Ferigo, Romancillo dal amôr galup);
Vera e sint cjapâ pît la avilizion, sbisiâi lis lagrimis tai voi fintremai che lis lasse spissulâ (Ivano Urli, Storie di Vera)
Sin. becâ
, fâ ghiti
-
v.intr., v.tr.
fâ un sunsûr lizêr e seguitîf:
[la Livence] e scor cidine, pegre, cence claps, cence nancje sbisiâ, come se e fos un vueli (Dino Virgili, Un riul tra Venit e Friûl)
-
dî a vôs basse:
Rosute e tâs. Se al ves sintût, lui, ce che Checo i veve sbisiâti in chel momentut tes orelis! (Dolfo Zorzut, La furlane)
Sin. cisicâ