furigâ  fu|ri|gâ  [CO]

  1. v.intr. cirî cun insistence:  par tant che a vessin sdramassât, par tant che a vessin furigât e passât cui voi ogni sucrit, no jerin stâts bogns di cjatâju (Maria Forte, Cjase di Dalban); no fasevin compliments i soldâts. A jentravin, a furigavin dapardut e infin a sburtavin fûr la int (Gianni Gregoricchio, Trê feminis)
    Sin. scrusignâ , sfurigâ
  2. v.intr. passâ a traviers o indentri:  al rivà pre Jaroni, al furigà jenfri la int e si implantà devant di jê (Dino Virgili, La aghe da pît la cleve); [in glesie] e saveve furigâ, e saveve navigâ e fâsi larc cuntune destrece di no crodi, fin a cjapâ puest denant di dutis lis feminis (Maria Forte, Mabile la Lunghine)
    Sin. passâ , furducjâ , travanâ , sfurducjâ , sfurigâ
  3. v.intr. fâ une azion, ancje no ben definide, che e cîr di rivâ a un risultât passant a traviers o fasint passâ a traviers o jentrant o metint dentri alc
    Cfr. cjossolâ , traficâ