cisicâ
ci|si|câ
[AF]
-
v.tr., v.intr.
dî o fevelâ sot vôs:
siore Anute, di pôre che si ingropàs masse, le cjapà strente tai siei braçs e i cisicà "Va contente Anzuline, e visiti che cheste cjase e reste simpri vierte par te…" (Maria Forte, Cjase di Dalban);
lu veve clamât fûr de machine e i veve cisicât alc che no vevi sintût (Raffaele Serafini, Altris contis di famee);
lis dôs feminis e seguitin a meti a puest la blancjarie e e cisichin fra di lôr (Arturo Feruglio, In cîl e je une stele!…)
Sin. cibiscjâ
, murmuiâ
, feveluçâ
, cjacaruçâ
, tabaiuçâ
-
v.intr.
(fig.)
fâ un sunsûr lizêr:
sgrisui di buere a cisicavin tes fueis e i olnârs dal riul si smenavin come animis in pene (Dino Virgili, La aghe da pît la cleve)
Sin. cibiscjâ
, cisâ
, sgrosolâ
, murmuiâ
-
v.tr., v.intr.
dî o fevelâ in maniere plui o mancul platade, in gjenar disint tristeriis o contant ator robis che a varessin di restâ sot discrezion:
invezit de siarpe podestarîl, la panze di Zuanut e fo decorade de siarpe litorie. Lis lengatis a cisicavin che si tratave di un premi pe diligjence straordenarie (Pieri Menis, Il «comandatôr»)
Sin. dî daûr
, fevelâ
, peteçâ