murmuiâ
mur|mu|iâ
[AF]
-
v.tr., v.intr.
dî o fevelâ sot vôs o in maniere pôc clare:
il professôr al spiçà i voi daûr dai ocjâi. - Interessant, ancje come document! … - al murmuià fra di se. Al leiè a planc segnant cul dêt (Dino Virgili, La aghe da pît la cleve);
al murmuiave alc che al podeve jessi ancje une preiere e tal so voli sglonf di lagrimis al pareve che al passàs cuissà ce grant dolôr (Pieri Somede dai Marcs, Spacecjamin)
Sin. cibiscjâ
, cisicâ
, feveluçâ
, cjacaruçâ
, tabaiuçâ
, murmugnâ
, barbotâ
Var. murmugnâ
-
dî o fevelâ par proteste, in maniere plui o mancul platade:
"La forcje che ti picji!" al murmuià fra i dincj il famei (Luigi Gortani, Un paîs misteriôs);
"Corpo dal cjan vert! - al murmuie Pieri ta panze - ancje chiste cumò" (Dolfo Zorzut, El diau nol rive mai a finî la glesie)
Sin. protestâ
, bruntulâ
, barbotâ
-
v.intr.
(fig.)
fâ un sunsûr lizêr:
in silensi, che a si sinti murmuiâ la aga dal Tilimint lontan (Pier Paolo Pasolini, I Turcs tal Friûl);
i pôi in rie sul rivâl a murmuin te bavesele (Dino Virgili, Il mulin)
Sin. cibiscjâ
, cisâ
, sgrosolâ
, cisicâ