protestâ
pro|tes|tâ
[AF]
-
v.intr., v.tr.
pandi che no si è dacuardi, che si è cuintri di alc:
al è stuf di chei che a protestin, stuf di chei che no ur va ben mai nuie (Raffaele Serafini, Contis sot spirt);
Tilde e protestà che e voleve jessi cun lôr, ma Nedo le preà di restâ (Gianni Gregoricchio, Trê feminis);
al jere stât usât tal sanatori, e al acetave dut, cence protestâ mai, cuntune sorte di rassegnazion dolorose (Franca Mainardis, Aiar di cjase)
Sin. bruntulâ
, contindi
, contrastâ
, dâ cuintri
, dâ sù
, fâ cuintri
, lagnâsi
, lamentâsi
, oponisi
-
fâ une manifestazion publiche par pandi che si è contraris a alc:
co la bande e fo complete, lui, devant di ducj, jù a protestâ in municipi (Dino Virgili, La aghe da pît la cleve);
se al covente, o vin di tignîsi pronts ancje a lâ in place a protestâ (Roberto Meroi, Chei siet galantoms che no son plui cun noaltris)
Sin. manifestâ
-
v.tr.
dî a clâr, cun fuarce, cun decision, cirint di convinci chei altris:
nol podeve dâsi pâs e al protestave la sô inocence (Roberto Ongaro, Cretevierte);
la Filologjiche e varès protestade la sô primarietât su dutis chês altris sociis (Adrian Cescje, Memoriis di politiche linguistiche)
Sin. declarâ
, manifestâ
, palesâ
, pandi
, professâ
, testâ
-
v.tr.
[TS]
dir.
fâ une azion pal mancjât paiament di un titul di credit:
protestâ une cambiâl
-
v.tr.
[TS]
cum.
refudâ une partide di robe parcè che no sarès de cualitât domandade
Proverbis:
- i prins a protestâ a son i massepassûts