contindi
/-tì-/
con|tin|di
[AF]
-
v.tr.
dî alc cun sigurece, ancje cuintri de opinion di altris:
in paîs al è dut un momò e la int e je insuride cuintri di lui. A contindin che al à cjolte la machine cui bêçs de glesie (Antoni Beline, Pre Pitin);
i oms a cirivin di difindile e di contindi che lis acusis cuintri di jê a jerin dutis bausiis (Carlo Sgorlon, Il dolfin);
O contint di jessi inocent! (Pieri Piçul, Vieri e gnûf)
Sin. confermâ
, dî
, declarâ
, proclamâ
, professâ
, ribati
Var. cuntindi
-
v.intr.
discuti in maniere animade:
intant che Toni e il funzionari a contindevin sul confin, rivà la 'Sese dute sbarlufide corint, convinte che Toni al tacàs une altre barufe (Tarcisio Venuti, La cjase di Toni);
e jere dome la voie di no contindi che i meteve in bocje peraulis cussì pôc sintudis (Maria Forte, Cjase di Dalban)
Sin. discuti
, cuistionâ
, contestâ
, barufâ
, litigâ
, rebecâ
-
protestâ, fâ valê une idee o un dirit:
une volte si scombateve pe paie, cumò si contint par un fregul di lavôr, che lu pain cemût che a vuelin (Josef Marchet, Che si tirin in bande e che nus lassin tirâ flât)
-
v.intr.
jessi impegnât intun scuintri, intun contrast o ancje intun confront, une gare e v.i. cun cdn.:
la Cravuazie di chei agns e viodeve cuatri ideis politichis contindi e trussâsi une cu la altre (Ivano Urli, Storie di Min)
Sin. contrastâ
, batisi
, competi
-
v.tr.
cirî di otignî alc in competizion cun altris:
pe regjon o sin ca noaltris; ce covential che si fasin indenant altris di lôr a contindinus la strade? (Josef Marchet, Diferencis);
doi biei voi, e un biel sen tesaur di amôr, / tra lôr contindin di belece il vant, / brilin chei neris voi plui dal diamant, / supare il sen di perle il biel candôr (Ermes di Colorêt, I, 18)
Sin. contrastâ
, disputâ