ribati
ri|ba|ti
[AF]
-
v.tr., v.intr.
tornâ a bati o bati plui voltis:
lis ondis, sostignudis dal aiar, a batin e ribatin cuintri la panze de barcje, fasintle drindinâ (Fabio Titoto, Fantasie)
-
v.tr.
soredut in zûcs o sports, butâ indaûr, indreçâ la bale o sim. viers de part dal cjamp di cui che le à batude
Sin. butâ indaûr
, rimandâ
-
v.tr.
dâ une rispueste in contrast cun ce che al à dite cdn. altri:
e jê a dîi che al fasès, alore, a so mût. E lui a ribatii che nol coventave che jê si impaçàs cun conseis che no i coventavin (Meni Ucel, Rispiets);
Beltram al veve bielzà vierte la bocje par ribati, ma il vieli Bastian lu blocà cuntun sest sec de man (Gianni Gregoricchio, Trê feminis)
Sin. cuintribati
, replicâ
, rispuindi
-
v.tr.
(fig.)
tornâ a dî plui voltis, sostignî plui voltis un argoment o sim.:
nol faseve il plui piçul sfuarç par fâ tasê la femine, cuant che e scomençave a bati e ribati il stes claut e a scolâsi di flât (Maria Forte, Cjase di Dalban);
un pape dûr, che no si lasse pleâ di nissun […] cuant che si trate di ribati i principis de fede e de morâl (Antoni Beline, Gloriis e limits di un lunc pontificât)
Sin. bati
, tornâ a bati
-
v.tr.
[TS]
tecn., artes.
stuarzi la ponte di un claut o sim. che al ven fûr e tornâ a batile te direzion contrarie
-
v.tr.
[TS]
sart.
splanâ une cusidure cuntun fier cjalt o rinfuarcîle cuntune seconde cusidure daspò di vê pleât l'ôr par dentri
-
v.intr.
in particolâr di sun o imagjin o sim., jessi mandât indaûr di une superficie:
alore e sunà la cjampane grande de plêf, e po dutis chês altris, a ribatevin fin ca sù insom, a rintronavin il paîs (Dino Virgili, La aghe da pît la cleve)
Sin. bati
, rifletisi
, rivocâ
-
(fig.)
tornâ a jessi sintût o imagjinât plui voltis:
a Jacum i ribateve tes orelis la vôs dal predi (Maria Forte, Il vivi al è chel rangjâsi)
-
(ancje fig.)
vê un efiet rifletût o indiret, soredut ripetût o indurant