contestâ
con|tes|tâ
[CO]
-
v.tr.
[TS]
dir.
di bande di une autoritât, rilevâ e comunicâ une violazion o une ipotesi di violazion:
i vevin contestât l'abandon di un minôr (Franco Marchetta, Il numar 1089)
-
[CO]
ancje fûr dal ûs judiziari e di bande di cualsisei sogjet, fâ notâ une colpe, une mancjance:
"Mi àn contestât di no savê che il furlan al è une lenghe, no un dialet. Orpo che lu sai […]" (Mara Piccoli, Spot RAI: il pinsîr de…vigjilesse!)
-
v.tr.
meti in dubi la coretece, la validitât o ancje la veretât o autenticitât di alc:
il nestri parlamentâr […] al à contestât e corezût la impostazion sociâl dal inglês Pitt che al veve tentât di meti operaris europeus cuintri contadins, privilegjant i operaris (Riedo Pup, Mizzau al bat Pitt un a zero)
-
v.tr.
meti in discussion une autoritât, un principi, une norme, un sisteme e v.i.:
int che no ubidìs a voi sierâts ma che e conteste la leç no par gust de anarchie ma par fânt une miôr (Antoni Beline, Un popul e la sô scuele);
tal '500, inte suaze protestante, si svilupin setis che a contestin il podê ancje in forme violente (Fabian Ros, La invenzion dal stât)